كەزىندە قازاقستاننىڭ ۇلتتىق قۇراماسىندا ويناعان گەنريح شميدتگال فۋتبولمەن تۇبەگەيلى قوش ايتىسقانى جايىندا رەسمي تۇردە مالىمدەدى.
گەنريح نۇرلان ۇلى 1985 جىلدىڭ 20 قاراشاسىندا الماتى وبلىسى ەڭبەكشىقازاق اۋدانىنىڭ ەسىك قالاسىندا دۇنيەگە كەلدى. زاماننىڭ اۋمالى-توكپەلى كەزىندە اكە-شەشەسىمەن بىرگە گەررمانياعا قونىس اۋداردى. سول جاقتا بىرقاتار كوماندالاردا ونەر كورسەتتى. سولاردىڭ قاتارىندا «گرويتەر فيۋرت» پەن «ديۋسەلدورف» سىندى تانىمال كلۋبتار بار. 2015 جىلى شميدتگال «فرانكفۋرتقا» اۋىستى. الايدا ايتۋلى كوماندا ساپىندا بىردە-ءبىر رەت جاسىل الاڭعا شىققان جوق.
2010 جىلى گەنريح شميدتگال قازاقستاننىڭ ازاماتتىعىن الىپ, ۇلتتىق كوماندامىزدىڭ ساپىندا 14 ويىن وتكىزىپ, ءبىر گول سوقتى. بەس جىل بويى ول ءتۇرلى جارىستاردا ءوز قنەرىن پاش ەتتى.
2016 جىلى ايتۋلى جارتىلاي قورعاۋشى فۋتبولمەن قوش ايتىسىپ, نەمىستەردىڭ «فورتۋنا» كلۋبىنىڭ باس باپكەرىنىڭ كومەكشىسى بولدى. الايدا دەنساۋلىعىنىڭ سىر بەرۋىنە بايلانىستى شميدتگال بۇل كاسىپتەن دە قول ءۇزۋدى قۇپ كوردى.