بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ ايتتى.
«ەلىمىز بويىنشا ەكى قالادا – نۇر-سۇلتان مەن الماتى قالاسىنداعى كۇندەلىكتى ينفەكتسيانىڭ ءوسىمى تومەندەپ كەلەدى. ءارى قاراي دا كارانتيندىك شارالار وسى ەكى قالادا كۇشەيتىلەتىن بولادى.باسقا وڭىرلەردە ءوسىم بار. بىراق وسى كارانتيندىك شارالاردىڭ نەگىزىندە كۇن سايىنعى ءوسىم ءبىر دەڭگەيدە. ارينە, وسى الماتى مەن نۇر-سۇلتان قالاسىنىڭ دەڭگەيىنە جەتكىزۋ ءۇشىن كارانتيندىك شارالاردى ەنگىزۋ قاجەت. وكىنىشكە قاراي, تۇركىستان, قىزىلوردا وبلىستارىندا تەك قانا قالالاردا ەمەس, اۋىلدىق جەر, اۋداندىق دەڭگەيدە دە ناۋقاس تىركەلدى», - دەدى مينيستر.
كوروناۆيرۋستىڭ تەز تارالاتىنىنا سەنبەيتىن اۋىلدىق جەرلەردەگى حالىققا مينيستر كارانتين تالاپتارىن ورىنداۋ كەرەگىن ەسكەرتتى.
«اۋىلدىق جەردە تۇراتىن كەيبىر ازاماتتار سەنبەيدى. كوروناۆيرۋستىق ينفەكتسيا بىزگە جەتپەيدى, ءبىز ونى كورمەيمىز دەپ ويلايدى. وكىنىشكە قاراي, شىندىقتى ايتۋ كەرەك, قازىرگى تاڭدا وتە ۇلكەن قاۋىپ وسى اۋىلدىق جەرلەردە. مۇمكىندىك بولسا, بارلىق ازاماتتار وتباسىلارىمەن بىرگە ۇيدە وتىرۋى قاجەت»,- دەدى ە. ءبىرتانوۆ.
ەگەر ەكى اپتانىڭ ىشىندە كارانتين تالاپتارىن ساقتاساق, ەپيدەميانىڭ ءورشۋ قاۋپى تومەندەيدى.
ء«بىرىنشى قاۋىپ – قارت ادامداردىڭ جاعدايى. ولاردى بولەك بولىمشەلەرگە وتىرعىزىپ, قوسىمشا تاماقتاندىرىپ, مەديتسينالىق كومەك بەرىپ, سىرتقا شىعارماۋ كەرەك. سول ۋاقىتتا قاۋىپ دەڭگەيى تومەندەيدى دەپ سەنەمىز. جالپى بالالارعا دا, باسقا ازاماتتارعا دا مۇمكىندىك بولسا ۇيدە وتىرىپ, قاجەتسىز قارىم-قاتىناستى توقتاتۋ قاجەت. وسى ەكى اپتا شىداساق ءارى قاراي ەپيدەميانىڭ دەڭگەيى تومەندەپ كەلە جاتىر»,- دەدى ەلجان ءبىرتانوۆ.