بۇگىن 3 ءساۋىر كۇنى اقتوبە وبلىسىنىڭ باس مەملەكەتتىك سانيتارلىق دارىگەرى نۇرسۇلۋ بەركىمباەۆ ونلاين رەجيمىندە وتكىزىلگەن بريفينگتە وڭىردە تاعى دا ەكى ادام كوروناۆيرۋس ينفەكتسياسىن جۇقتىرعانىن مالىمدەدى.
ونىڭ ايتۋىنشا ءوزىن ءجايسىز, ناشار, سىرقات جاعدايىندا سەزىنگەن اقتوبە قالاسىنىڭ تۇرعىنى مەديتسينا مەكەمەسىنە ءوز ەركىمەن كەلىپ جولىققان. وعان دەرەۋ تەكسەرىلۋ جۇرگىزىلىپ قاۋىپتى ينفەكتسيانى جۇقتعىرعان-جۇقتىرماعانى جونىندە تەست تاسىلىمەن انىقتاۋلار جۇرگىزىلگەن كەزدە بۇل وڭ ناتيجە كورسەتكەن.
«ناۋقاستىڭ اقتوبە قالاسىنان وزگە جاققا, سونىڭ ىشىندە شەتەلگە شىقپاعانى, ءارى شەتەلدىكتەرمەن قارىم-قاتىناستا بولماعانى بەلگىلى بولىپ وتىر. ءوڭىردىڭ ءوز ىشىندە كوروناۆيرۋسكە تاپ بولعان ازاماتپەن بايلانىستا بولعان ادامداردىڭ ءبارى, ياعني ونىڭ وتباسى مۇشەلەرى مەن تۋما تۋىسقاندارى, جورا جولداستارى مەن ارىپتەستەرى جانە مەديتسينا قىزمەتكەرلەرى شۇعىل وقشاۋلانىپ, ارنايى ازىرلەنگەن ورىندارعا جەتكىزىلدى. ولاردىڭ جالپى سانى 56. سونىڭ اراسىنان تاعى دا ءبىر ادام ىندەت جۇقتىرعان. ناۋقاستار تۇرعان كوپ قاباتتى ۇيلەر دەزينفەكتسيالانىپ, كارانتينگە قويىلدى» دەدى وبلىستىڭ باس سانيتارلىق دارىگەرى.
بۇل ءجايت تۇرعىنداردان ساقتاندىرۋ شارالارىن ودان ءارى كۇشەيتە ءتۇسۋدى ۇقتىرادى.