قازاقستاننىڭ ۋكرايناداعى ەلشىلىگىنىڭ اتسالىسۋىمەن «اتامەكەن» ۇكپ باسقارما توراعاسى ابىلاي مىرزاحمەتوۆ جانە ۋكراينانىڭ ساۋدا-ونەركاسىپ پالاتاسىنىڭ پرەزيدەنتى گەننادي چيجيكوۆ بەينەبايلانىس رەجيمىندە كەلىسسوزدەر جۇرگىزدى. بۇل تۋرالى پالاتانىڭ رەسمي سايتى حابارلايدى.
سۇحبات بارىسىندا تاراپتار COVID-19 ەپيدەمياسىنىڭ تارالۋىن بولدىرتپاۋ بويىنشا مەملەكەتتەردە قولدانىلىپ جاتقان شارالار جانە ەكى ەل ۇكىمەتىنىڭ كارانتين جاعدايىندا ەكونوميكالارىن قولداۋ بويىنشا اقپاراتپەن الماستى. وسى رەتتە سپيكەرلەر ساۋدا-ەكونوميكالىق ىنتىماقتاستىقتى دامىتۋدا ۇلكەن الەۋەتتىڭ بارىن اتاپ ءوتىپ, ەپيدەميادان كەيىن پالاتالار اراسىنداعى ءوزارا بايلانىستى نىعايتۋ بويىنشا قادامدار بەلگىلەندى.