كوروناۆيرۋسكە شالدىققان فۋتبولدان تۇركيا قۇراماسىنىڭ بۇرىنعى قاقپاشىسى ريۋشتۋ رەچبەر سول دارتتتەن بىرتە-بىرتە ايىعىپ كەلەدى.
«رەچبەر كوروناۆيرۋس دەرتىنە شالدىقتى» دەگەن حابار بارشا تۇركيالىق جانكۇيەرلەرگە جايسىز ءتيدى. ول – شىن مانىندە ءوز ەلىنىڭ ۇلتتىق باتىرى. 46 جاستاعى انتاليا ءوڭىرىنىڭ تۋماسى 1988-2012 جىلدار ارالىعىندا «انتالياسپور», «فەنەرباحچە», «بەشيكتاش» جانە يسپانيانىڭ «بارسەلوناسىندا» ونەر كورسەتتى.
1992-2012 جىلدار ارالىعىندا ريۋشتۋ تۇركيانىڭ ۇلتتىق كومانداسىنىڭ قاقپاسىن قورعادى. سول ارالىقتا 120 رەت جاسىل الاڭعا شىعىپ, رەكوردتىق كورسەتكىشكە قول جەتكىزدى. انادولى ەلىنىڭ ورەندەرى 2002 جىلى الەم چەمپيوناتىندا, 2003 جىلى كونفەدەراتسيا كۋبوگىندا جانە 2008 جىلى ەۋروپا بىرىنشىلىگىندە قولا مەدالدى ولجالاعانى كوپشىلىكتىڭ ەسىندە. مىنە, ءدال سول كەزدەرى قاقپانى رەچبەر قورعاعان. ونىڭ قول جەتكىزگەن باسقا دا تابىستارى جەتەرلىك.
ريۋشتۋ رەچبەر اۋرۋحاناعا اسا اۋىر حالدە تۇسكەن ەدى. دەسەك تە اللانىڭ قالاۋى جانە دارىگەرلەردىڭ كومەگىنىڭ ارقاسىندا سىرقاتتىڭ بەتى بەرى قارادى. قازىرگى كەزدە ول جانساقتاۋ بولىمىنەن كادىمگى بولمەگە اۋىستى. اق حالاتتى ابزال جانداردىڭ ايتۋىنشا, كۇن وتكەن سايىن ايگىلى قاقپاشىنىڭ جاعدايى جاسقارىپ كەلەدى.