كەشە ەلوردادا كونستيتۋتسيا كۇنىنە ارنالعان «كونستيتۋتسيا – قوعام مەن مەملەكەت دامۋ ستراتەگياسىنىڭ نەگىزى» اتتى عىلىمي-تاجىريبەلىك كونفەرەنتسيا بولىپ ءوتتى. جىل سايىنعى ءداستۇرلى ءوتىپ تۇراتىن بۇل كەزەكتى شارا بارىسىندا قازاقستاننىڭ كونستيتۋتسيالىق دامۋىنداعى جانە قوعام مەن مەملەكەتتى الەۋمەتتىك جاڭعىرتۋداعى ماسەلەلەر كەڭىنەن ءسوز بولدى.
كەشە ەلوردادا كونستيتۋتسيا كۇنىنە ارنالعان «كونستيتۋتسيا – قوعام مەن مەملەكەت دامۋ ستراتەگياسىنىڭ نەگىزى» اتتى عىلىمي-تاجىريبەلىك كونفەرەنتسيا بولىپ ءوتتى. جىل سايىنعى ءداستۇرلى ءوتىپ تۇراتىن بۇل كەزەكتى شارا بارىسىندا قازاقستاننىڭ كونستيتۋتسيالىق دامۋىنداعى جانە قوعام مەن مەملەكەتتى الەۋمەتتىك جاڭعىرتۋداعى ماسەلەلەر كەڭىنەن ءسوز بولدى.
ءسوز ورايى كەلگەندە شارانى ۇيىمداستىرۋعا كونستيتۋتسيالىق كەڭەس, باس پروكۋراتۋرا, ادام قۇقىقتارى جونىندەگى ءۋاكىل, استانا قالاسىنىڭ اكىمدىگى, ەۋروپا كەڭەسى قۇقىق ارقىلى دەموكراتيا ءۇشىن ەۋروپالىق كوميسسياسى (ۆەنەتسيا كوميسسياسى), قازاقستان حالقى اسسامبلەياسى, حالىقارالىق زاڭگەرلەر وداعى, قازاقستان زاڭگەرلەر وداعى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى اتسالىسقاندىعىن ايتا كەتكەن ءجون. القالى جيىن جۇمىسىنا ەلىمىزدىڭ پرەمەر-مينيسترى, پارلامەنت سەناتىنىڭ ءتوراعاسى, مەملەكەتتىك حاتشى, پرەزيدەنت اكىمشىلىگىنىڭ باسشىسى, پارلامەنت دەپۋتاتتارى, ورتالىق مەملەكەتتىك ورگانداردىڭ ءبىرىنشى باسشىلارى, سونداي-اق 19 ەل مەن حالىقارالىق بەدەلدى ۇيىمداردىڭ وكىلدەرى قاتىستى.
اتاپ ايتقاندا, القالى جيىنعا بۇۇ, ەۋروپا كەڭەسى, ەۋروپا وداعى, ەقىۇ وكىلدەرى, ازەربايجان, بەلورۋسسيا, بولگاريا جانە تۇركيا كونستيتۋتسيالىق سوتتارىنىڭ توراعالارى, كورەيا جانە تاجىكستان ومبۋدسمەندەرى, ارمەنيا, اۋعانستان, ليتۆا, مولدوۆا, رەسەي, وزبەكستان, ۋكراينا, گەرمانيا, حورۆاتيا جانە باسقا دا ەلدەردىڭ كونستيتۋتسيالىق ادىلەت ورگاندارى مەن پارلامەنتتەرىنىڭ مۇشەلەرى, سونىمەن بىرگە, شەتەلدىك جانە وتاندىق تانىمال زاڭگەر-عالىمدار مەن ساراپشىلار كەلدى.
حالىقارالىق عىلىمي-تاجىريبەلىك كونفەرەنتسيا جۇمىسىن كونستيتۋتسيالىق كەڭەس توراعاسى يگور روگوۆ ءسوز ءسويلەپ اشتى. كونستيتۋتسيالىق كەڭەس ءتوراعاسى اتالعان حالىقارالىق شارادا ەڭ باستى قاراستىرىلاتىن ماسەلەلەر قازاقستان رەسپۋبليكاسى پرەزيدەنتى ن.ءا.نازارباەۆتىڭ «قازاقستان-2050» ستراتەگيالىق قۇجاتىنىڭ قۇقىقتىق اسپەكتىلەرىن جۇزەگە اسىرۋ بولىپ تابىلاتىنىن ەرەكشە اتاپ كەتتى.
ال ەلىمىزدىڭ مەملەكەتتىك حاتشىسى مارات ءتاجين كونفەرەنتسيا قاتىسۋشىلارىنا ەلباسىنىڭ قۇتتىقتاۋىن جەتكىزدى. ەلباسى ءوز سوزىندە قاتىسۋشىلاردى كونستيتۋتسيا كۇنىمەن شىن جۇرەكتەن قۇتتىقتايمىن, دەي كەلىپ, اتا زاڭنىڭ مەملەكەتىمىزدىڭ تابىستى دامۋىنىڭ بەرىك ىرگەتاسى ەكەندىگىنە ەرەكشە توقتالعان. كونستيتۋتسيانىڭ ارقاسىندا مەملەكەتتىك جانە جەكە مەنشىكتىڭ تەڭدىگى, كاسىپكەرلىكتىڭ دەربەستىگى مەن مەنشىكتى قوعام مۇددەسىنە پايدالانۋ قاعيداتتارىنا سايكەس قازاقستان ەكونوميكاسى دامىپ كەلەدى. قازاقستان رەسپۋبليكاسىنىڭ كونستيتۋتسياسى الەۋمەتتىك مەملەكەت رەتىندە ەڭبەك بوستاندىعى قۇقىعىنا كەپىلدىك بەرەدى. نەكە مەن وتباسىن, انانى, اكە مەن بالانى مەملەكەتتىڭ قورعاۋىنا الىپ, حالىق دەنساۋلىعىن ساقتاۋدى قامتاماسىز ەتەدى, دەلىنگەن ەلباسىنىڭ قۇتتىقتاۋىندا.
پرەزيدەنت سونداي-اق ەلىمىزدىڭ اتا زاڭى مەملەكەتتىك بيلىك بىرلىگىنىڭ, ونىڭ بارلىق تارماقتارىنىڭ ءتيىمدى ءوزارا ءىس-قيمىلىنىڭ نەگىزىن قالاعاندىعىن دا ەرەكشە اتاپ كەتكەن. كونستيتۋتسيالىق قاعيدالار نەگىزىندە مەملەكەت پەن ازاماتتىق قوعام ينستيتۋتتارىنىڭ ءوزارا ارىپتەستىگى ىسكە اسىپ, جەرگىلىكتى ءوزىن ءوزى باسقارۋ دامۋدا. وعان تاۋەلسىز قازاقستان تاريحىندا العاش رەت بولىپ وتكەن جەرگىلىكتى اكىمدەر سايلاۋى دالەل بولا الادى. كونستيتۋتسيانى بۇلجىتپاي ورىنداۋ قازاقستانداعى قوعامدىق كەلىسىم مەن ساياسي تۇراقتىلىقتى نىعايتۋدىڭ سەنىمدى كەپىلى. بۇگىندە قازاقستان 2050 جىلعا دەيىنگى ستراتەگيانى ىسكە اسىرۋدا. ونىڭ باستى ماقساتى – الەمدەگى ەڭ دامىعان 30 مەملەكەتتىڭ قاتارىنا ەنۋ. بۇل ماقساتتى جۇمىس كونستيتۋتسيا مەن زاڭداردىڭ ءتارتىبىن مۇلتىكسىز ساقتاۋدى مىندەتتەيدى. كونفەرەنتسياعا قاتىسۋشىلاردىڭ بارلىعىنىڭ جۇمىسىنا جەمىس جانە كاسىبي قىزمەتىنە تابىس تىلەيمىن, دەيدى نۇرسۇلتان ءابىش ۇلى قۇتتىقتاۋىنىڭ سوڭىندا.
بۇدان كەيىن ءسوز ا