باس كىتابىم, بۇلاعىم

تولقۇجاتىم, بەك مۇراتىم اتا زاڭ,

بىزگە جەتكەن مۇراداي بوپ اتادان.

تاۋكە جازعان جەتى جارعى بۇلجىماس,

بۇيرىق, ۇكىم بابام بەرگەن باتادان.

تولقۇجاتىم, بەك مۇراتىم اتا زاڭ,

بىزگە جەتكەن مۇراداي بوپ اتادان.

تاۋكە جازعان جەتى جارعى بۇلجىماس,

بۇيرىق, ۇكىم بابام بەرگەن باتادان.

بۇل دالانىڭ بۇلتارتپايتىن زاڭى بار,

ول اقساقال, القا بيلەر, قازىلار.

تۋعانى جوق تۋرا بيلەر كەسىمگەر,

شەشىمدەرى ءادىل جولدان تابىلار.

پارلامەنتى بۇل دالانىڭ قىر باسى,

قىر باسىندا قارتتىڭ سۇستى تۇلعاسى.

ادام تۇرماق, تۇساۋ ۇرلاۋ كۇيە بوپ,

جاعىلاتىن ءبىر اۋىلعا كۇناسى.

قامشىسىمەن تىيىپ, تەجەپ تەنتەگىن,

ەنتىگىن دە باسار ەسەر, ەركەنىڭ.

جەسىر داۋى, تۋا قالسا جەر داۋى,

ءبىر قاريا-اق جازار ەدى «دەرت ەمىن»

اتا زاڭىم – باس كىتابىم, بۇلاعىم,

اتا زاڭىم – ار وجدانىم, تۇراعىم.

اتا زاڭىم – شاريعاتىم, شارتتارىم,

باعدار شامىم, بويعا قۋات ۇرانىم.

ىنتىماعىن, تاتۋلىعىن, بىرلىگىن,

اتاپ وتەر 30-ى بۇل ۇلى كۇن.

ارقا سۇيەر اتا زاڭىم تۇرعاندا,

قازاقستان وزىڭمەنەن ۇلىمىن,

قازاقستان بيىك سەنىڭ تۇعىرىڭ!

ماقسات قارعاباي.

وڭتۇستىك قازاقستان وبلىسى,

سوزاق اۋدانى.