جاقىندا نازارباەۆ ۋنيۆەرسيتەتى مەن Intel كورپوراتسياسى اراسىندا ىنتىماقتاستىق تۋرالى مەموراندۋمعا قول قويىلدى. قۇجاتقا نازارباەۆ ۋنيۆەرسيتەتىنىڭ پرەزيدەنتى شيگەو كاتسۋ مىرزا مەن Intel كورپوراتسياسىنىڭ قازاقستان, ورتالىق ازيا جانە زاكاۆكازە ەلدەرىنىڭ ايماقتىق ديرەكتورى دميتري كيسەل قول قويدى.
جاقىندا نازارباەۆ ۋنيۆەرسيتەتى مەن Intel كورپوراتسياسى اراسىندا ىنتىماقتاستىق تۋرالى مەموراندۋمعا قول قويىلدى. قۇجاتقا نازارباەۆ ۋنيۆەرسيتەتىنىڭ پرەزيدەنتى شيگەو كاتسۋ مىرزا مەن Intel كورپوراتسياسىنىڭ قازاقستان, ورتالىق ازيا جانە زاكاۆكازە ەلدەرىنىڭ ايماقتىق ديرەكتورى دميتري كيسەل قول قويدى.
«بۇگىن نازارباەۆ ۋنيۆەرسيتەتى توبىنىڭ كەزەكتى قاتىسۋشى جانە جاڭا سەرىكتەس – Intel جاھاندىق كومپانياسىمەن تولىققانىن قۋانا حابارلايمىن. بۇل ارىپتەستىكتىڭ اياسىندا ءبىزدىڭ ستۋدەنتتەرىمىزگە, وقىتۋشىلارىمىز بەن عالىمدارىمىزعا جاڭا مۇمكىندىكتەر اشىلادى دەپ سەنەمىن. ءبىز: «Intel ەندى بىزدە!» – دەپ ماقتانىشپەن ايتا الامىز, – دەپ مالىمدەدى نازارباەۆ ۋنيۆەرسيتەتىنىڭ پرەزيدەنتى شيگەو كاتسۋ مىرزا.
قول قويىلعان كەلىسىم اياسىندا نازارباەۆ ۋنيۆەرسيتەتىنە اپپاراتتىق, باعدارلامالىق جانە ادىستەمەلىك شەشىمدەردى قامتيتىن Intel® Education Solutions كەشەندى تاسىلدەمەسىن ىسكە اسىرۋ بارىسىندا اقپاراتتىق جانە تەحنيكالىق قولداۋ كورسەتىلەدى دەپ كۇتىلۋدە.
قازاقستان, ورتالىق ازيا ءجانە زاكاۆكازە ەلدەرىنىڭ Intel كورپوراتسياسىنىڭ ايماقتىق ديرەكتورى دميتري كيسەل: «Intel دۇنيە ءجۇزى بويىنشا ءبىلىم بەرۋ سالاسىنداعى كوپتەگەن باعدارلامالارعا قاتىسىپ, قولداۋ كورسەتىپ كەلەدى, بۇل كەز كەلگەن مەزەتتە ءتۇرلى جوبالاردىڭ ءساتتى ىسكە اسىرىلۋىنىڭ مىسالدارىنا جۇگىنۋگە مۇمكىندىك بەرەدى. نازارباەۆ ۋنيۆەرسيتەتىنىڭ يننوۆاتسيالىق ءبىلىم بەرۋ ورتاسىنىڭ دامۋىندا كورپوراتسيا تاجىريبەسىنىڭ قولدانىس تاپقانىنا اسا قۋانىشتىمىز جانە وسى سەرىكتەستىكتىڭ تابىستى بولاتىنىنا سەنىمدىمىز!» – دەپ اتاپ ءوتتى.
ءبىر ايتا كەتەرلىگى, نازارباەۆ ۋنيۆەرسيتەتى مەن Intel-ءدىڭ بىرلەسكەن جوبالارى ءبىرىنشى كەزەكتە Nazarbayev University Research & Innovation System ورتالىعى مەن نازارباەۆ ۋنيۆەرسيتەتىندە ءبىلىمدى, عىلىمدى, يننوۆاتسيالار مەن يندۋستريانى ينتەگراتسيالاۋ ۇدەرىسىندە نەگىزگى كەزەڭ بولىپ تابىلاتىن, يننوۆاتسيالىق-زياتكەرلىك كلاستەردىڭ ءبىر بولىگى رەتىندە دامىپ كەلە جاتقان ۋنيۆەرسيتەتتىڭ عىلىمي پاركىنىڭ بازاسىندا جۇزەگە اسىرىلاتىن بولادى.
«ەگەمەن-اقپارات».