جۇرەك جىلۋى

سەمەيدەگىدوستىقۇيىندە «مەكتەپكەجول» قايىرىمدىلىقشاراسىوتكىزىلدى. ونى وتكىزۋدەگى باستى ماقسات – جەتىم بالالاردى, اتا-انا قامقورلىعىنسىز قالعاندار مەن كۇنكورىسى تومەن وتباسى بالالارىن الەۋمەتتىك تۇرعىدان قولداۋ. وسىنىڭ ناتيجەسىندە بالالار جاڭا وقۋ جىلىنا دايارلىقپەن بارماق.

سەمەيدەگىدوستىقۇيىندە «مەكتەپكەجول» قايىرىمدىلىقشاراسىوتكىزىلدى. ونى وتكىزۋدەگى باستى ماقسات – جەتىم بالالاردى, اتا-انا قامقورلىعىنسىز قالعاندار مەن كۇنكورىسى تومەن وتباسى بالالارىن الەۋمەتتىك تۇرعىدان قولداۋ. وسىنىڭ ناتيجەسىندە بالالار جاڭا وقۋ جىلىنا دايارلىقپەن بارماق.

بۇل جولعى شارا دا وسىنى قامتىدى. دوستىق ۇيىنە قايىرىمدىلىق جاساۋشى مەكەمە وكىلدەرىمەن بىرگە از قامتىلعان وتباسىلاردىڭ بالالارى جينالعان بولاتىن. قالالىق اكىمدىك جانىنداعى قوعامدىق كەڭەستىڭ ءتورايىمى جاننا جيبراەۆا جينالعانداردى «مەكتەپكە جول» شاراسىنىڭ ماقساتىمەن تانىس­تىرعاننان كەيىن قاتىسۋشىلارعا ءسوز بەردى. العاشقى بولىپ ءسوز العان قمدب سەمەي ورتالىق مەشىتىنىڭ نايب يمامى سەرىكقالي بەيسەن ۇلى وسىناۋ يگىلىكتى شارانىڭ ماڭىزدىلىعىنا توقتالىپ, ونىڭ ءتول دىنىمىزدە دە ساۋاپتى امال ەكەندىگىن ايتىپ ءوتتى. ونىڭ ءسوزىن جالعاستىرعان قالامىزداعى تاس مەشىتتىڭ يمامى نۇربەك ساليموۆ جاس شاعىندا مەيىرىم كورگەن بالانىڭ ەسەيگەندە جۇرەك جىلۋى مول بولاتىنىن تىلگە تيەك ەتتى.

وسىدان سوڭ بارلىق مەكەمە, ۇيىمدار ارنايى اكەلگەن زاتتارىن بالالارعا تارتۋ ەتتى. وقۋشىلارعا ارنالعان مەكتەپ فورماسى, سومكەلەر, وقۋ قۇرالدارى, كيىم-كەشەكتەر تابىس ەتىلدى. مۇنىڭ بارلىعى از قامتىلعان وتباسى بالالارى ءۇشىن ۇلكەن كومەك, ەلەۋلى دەمەۋشىلىك ەكەندىگى بەلگىلى. اكتسيا بارىسىندا 35 بالا مەكتەپكە قاجەتتى قۇرالدارمەن قامتاماسىز ەتىلدى.

راۋشان نۇعمانبەكوۆا.

سەمەي.