تاۋەلسىزدىگىمىزدى العاننان بەرى تاريح, ءتىل, ءدىن, ءدىل ماسەلەسى ەرەكشە ەكپىنمەن كوتەرىلىپ, حالقىمىزدىڭ وتكەن ءداۋىرى ۇلتتىق مۇددە تۇرعىسىنان جازىلا باستاعانى بەلگىلى. وعان مەملەكەتتىك دەڭگەيدە قولداۋ كورسەتىلىپ وتىرعاندىعى دا ءمالىم. بىراق وقىمىستىلار قانداي دا ءبىر ماعلۇمات تابا قالسا دەرەۋ باق-تا جاريالاۋعا اسىعادى. سەبەبى, تاپقان دەرەگى ارقىلى ءوز اتىن شىعارۋ, ءسويتىپ تانىمال تۇلعاعا اينالۋ قۇمارلىعى جەڭەرى حاق. ەندى ەلىمىزدە اقيقاتتىڭ اۋىلىنا اپاراتىن جول – تاريحنامانى تۇبەگەيلى زەرتتەۋ مىقتاپ قولعا الىندى.
تاۋەلسىزدىگىمىزدى العاننان بەرى تاريح, ءتىل, ءدىن, ءدىل ماسەلەسى ەرەكشە ەكپىنمەن كوتەرىلىپ, حالقىمىزدىڭ وتكەن ءداۋىرى ۇلتتىق مۇددە تۇرعىسىنان جازىلا باستاعانى بەلگىلى. وعان مەملەكەتتىك دەڭگەيدە قولداۋ كورسەتىلىپ وتىرعاندىعى دا ءمالىم. بىراق وقىمىستىلار قانداي دا ءبىر ماعلۇمات تابا قالسا دەرەۋ باق-تا جاريالاۋعا اسىعادى. سەبەبى, تاپقان دەرەگى ارقىلى ءوز اتىن شىعارۋ, ءسويتىپ تانىمال تۇلعاعا اينالۋ قۇمارلىعى جەڭەرى حاق. ەندى ەلىمىزدە اقيقاتتىڭ اۋىلىنا اپاراتىن جول – تاريحنامانى تۇبەگەيلى زەرتتەۋ مىقتاپ قولعا الىندى. ول دەگەنىمىز, ورەسىزدىكتىڭ جولى كەسىلىپ, قوعامنان ىسىرىلعاندىعىنىڭ ءبىر دالەلى. ماسەلەن, اعىمداعى جىلدىڭ 5 ماۋسىمىندا استانا قالاسىندا مەملەكەتتىك حاتشى مارات ءتاجيننىڭ باسشىلىعىمەن ءمانى دە, ماڭىزى دا زور قازاقستان رەسپۋبليكاسىنىڭ ۇلتتىق تاريحىن زەردەلەۋ جونىندەگى ۆەدومستۆوارالىق جۇمىس توبىنىڭ كەڭەيتىلگەن وتىرىسى ءوتتى. تاريح دەگەن سوزگە قۇلاعىمىزدى ءتۇرىپ جۇرەتىندىكتەن ءبىز جەتىسۋ مەملەكەتتىك ۋنيۆەرسيتەتى گۋمانيتارلىق فاكۋلتەتىنىڭ ۇستازدارى مۇقيات تىڭداپ, ەل گازەتى «ەگەمەن قازاقستان» باسىلىمىنان وقىپ رازى بولدىق. ءوزارا تالقىلاپ, اقيقاتتىڭ اق جولى ەندى اشىلاتىندىعىنا كامىل سەنىپ, پىكىر الماسىپ, جەكە مۇراعاتتارىمىزدى اۋدارىستىرىپ, جاقسى دۇنيەگە سەپتىگىمىزدى تيگىزۋگە تالپىنىپ تا جۇرگەنىمىز جاسىرىن ەمەس. شىنى كەرەك, تاۋەلسىز قازاقستان مەملەكەتىنىڭ وركەندەۋ ستراتەگياسىنا سايكەس, ياعني بۇگىنگى جاھاندانۋ كەزەڭى ۇلتتىڭ تاريحي ساناسىن قالىپتاستىرۋ جۇمىسىن جالعاستىرۋدى تالاپ ەتۋدە. وسى تۇرعىدان العاندا مەملەكەت تاراپىنان ارنايى قولداۋ كورسەتىلىپ وتىرعان ۇلتتىق تاريحىمىزدى زەردەلەۋگە قاتىستى ءىس-شارالار تاريحشىلار مەن قوعامدىق عىلىم وكىلدەرىن عانا ەمەس, ءوز تاريحىنا جانى اشيتىن, قىزىعۋشىلىق تانىتاتىن بارشا قاۋىمنىڭ زور ىنتا-ىقىلاسىن تۋدىردى. سوندىقتان, مەملەكەتتىك دەڭگەيدە كوتەرىلىپ وتىرعان ۇلتتىق تاريحتى زەردەلەۋگە قاتىستى ءىس-شارانى ءوز باسىم تىكەلەي قولدايمىن. ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى, گۋمانيتارلىق فاكۋلتەتى, تاريح كافەدراسى وسىدان 41 جىل بۇرىن اشىلعانىمەن «تاريح» اتاۋىمەن قۇرىلعان كافەدرا ءوز تاريحىن 1991 جىلدان باستايدى. قازىرگى كەزدە كافەدرا «تاريح» ماماندىعى بويىنشا باكالاۆريات جانە ماگيستراتۋرا ماماندارىن دايارلايدى.
زەردەلەي بىلگەن جان جەتىسۋ ولكەسىنىڭ تاريحى تىم تەرەڭدە جاتقانىن ۇعىنادى. بۇگىندە كەزەڭ-كەزەڭىمەن ەسكەرتكىش تاقتالارىن ءىلىپ, وعان ءار قۇندىلىق جايلى ماعلۇماتتاردى مولىنان, ەڭ باستىسى, مەملەكەتتىك دەڭگەيدە جان-جاقتى ناقتىلانعان جازبالاردى ءىلىپ قويۋ قولعا الىنعانى ءبىزدىڭ تاريحشىلاردىڭ جۇرەكتەرىنەن جىلى ورىن الدى. ءسوز رەتى كەلگەندە ايتا كەتسەم, ەلىمىز ەگەمەندىگىن تورتكۇل دۇنيەگە پاش ەتىپ, ەتەك-جەڭىمىزدى جيناعان جىلداردان باستاپ تاريحىمىزدىڭ ءوز دەڭگەيىندە جازىلماعاندىعىن ءتيىستى ورىنداردا جانايقايمەن سان رەت ايتقان دا ەدىك. كەيىنگى بۋىنعا, مىنا بىزدەر, اعا بۋىن وكىلى تاريحىمىزدى تانىتۋدا جانكەشتى ەڭبەك ەتۋىمىز كەرەك. ول پەرزەنتتىك پارىزىمىز دەپ سانايمىن.
امانگەلدى تولەمىسوۆ,
جمۋ گۋمانيتارلىق فاكۋلتەتىنىڭ دەكانى,
تاريح عىلىمدارىنىڭ كانديداتى, دوتسەنت.