شورتاندى اۋدانىنداعى «ءتوڭكەرىس استىق قابىلداۋ كاسىپورنى» جشس-دە «اگروبيزنەس-2020» باعدارلاماسى اياسىندا جاڭعىرتىلىپ, قۋاتتاندىرىلعان استىق قويماسى ىسكە قوسىلدى. ديقاندار قاۋىمى مەن ونى وڭدەۋشىلەر, اسىرەسە, زاماناۋي استىق كەپتىرۋ جانە تازالاۋ جەلىسىنىڭ تانىستىرىلىمىنا ايرىقشا دەن قويدى. مامانداردىڭ باعالاۋىنشا, سىناق بارىسىندا ىرىزدىق ءدانىنىڭ ىسىراپقا ءتۇسۋى مۇمكىن بولعان تومەنگى شەكتەۋلى دەڭگەيگە جاۋاپ بەرگەن.
شورتاندى اۋدانىنداعى «ءتوڭكەرىس استىق قابىلداۋ كاسىپورنى» جشس-دە «اگروبيزنەس-2020» باعدارلاماسى اياسىندا جاڭعىرتىلىپ, قۋاتتاندىرىلعان استىق قويماسى ىسكە قوسىلدى. ديقاندار قاۋىمى مەن ونى وڭدەۋشىلەر, اسىرەسە, زاماناۋي استىق كەپتىرۋ جانە تازالاۋ جەلىسىنىڭ تانىستىرىلىمىنا ايرىقشا دەن قويدى. مامانداردىڭ باعالاۋىنشا, سىناق بارىسىندا ىرىزدىق ءدانىنىڭ ىسىراپقا ءتۇسۋى مۇمكىن بولعان تومەنگى شەكتەۋلى دەڭگەيگە جاۋاپ بەرگەن.
جىلىنا 30 مىڭ توننا ءونىم قابىلداي الاتىن قويما تولىق يسپاندىق تەحنولوگيامەن جابدىقتالعان. بارلىق جۇمىس كومپيۋتەر جەلىسىمەن باسقارىلادى. اتالعان جوباداعى باستى ەرەكشەلىك رەتىندە مودەم جانە سپۋتنيكتىك انتەننالار ارقىلى جەلى جۇمىسى تىكەلەي يسپانيادان باقىلانىپ وتىراتىندىعىن ايتۋ قاجەت. مۇنداي مونيتورينگ شەتەلدىك جابدىقتاۋشىنىڭ جەلىنىڭ توقتاۋسىز قىزمەتىنە كەپىلدىك بەرەدى.
استىق قويماسىن جاڭعىرتۋعا 418 ميلليون تەڭگەدەن استام قارجى جۇمسالسا, ينۆەستيتسيالىق جوباعا «قازاگروقارجى» اق پەن شورتاندىلىق كاسىپورىن ۇجىمى بەلسەنە قاتىستى. جوبانىڭ تابىستىلىعى ونىڭ تەمىر جولعا جاقىندىعىمەن جانە كەلەسى جىلى كاسىپورىنعا شويىن جول بۇتاقتارى تارتىلاتىندىعىمەن بايلانىستىرىلۋدا. سونداي-اق, مۇندا 50 جۇمىس ورنىنىڭ اشىلۋى اۋىل تۇرعىندارىن قۋانىشقا بولەدى.
باقبەرگەن امالبەك,
«ەگەمەن قازاقستان».
اقمولا وبلىسى,
شورتاندى اۋدانى.