كونستيتۋتسيا كۇنى قارساڭىندا «قازاقستان تەمىر جولى» ۇلتتىق كومپانياسىنىڭ «قالا ماڭىنداعى تاسىمال» اق استانا-پاۆلودار باعدارىنا جاڭارتىلعان, جايلىلىعى جوعارى ەلەكتر-پويىز شىعاردى.
كونستيتۋتسيا كۇنى قارساڭىندا «قازاقستان تەمىر جولى» ۇلتتىق كومپانياسىنىڭ «قالا ماڭىنداعى تاسىمال» اق استانا-پاۆلودار باعدارىنا جاڭارتىلعان, جايلىلىعى جوعارى ەلەكتر-پويىز شىعاردى.
پويىز «قالا ماڭىنداعى تاسىمال» اق جاڭادان ساتىپ العان جايلىلىعى جوعارى ۆاگونداردان قۇرالعان. ول بەيسەنبى, جۇما, سەنبى, جەكسەنبى كۇندەرى «استانا-پاۆلودار» باعىتى بويىنشا قاتىنايدى.
«دەميحوۆ ماشينا جاساۋ زاۋىتى» ااق جاساپ شىعارعان ەد9ە سەريالى ەلەكتر-پويىزى «قالا ماڭىنداعى تاسىمال» اق تالاپتارىنا سايكەس ۆاگونداردىڭ تەحنيكالىق جانە قۋات ۇنەمدەۋ قاسيەتىن جاقسارتىپ, جەتىلدىرىلگەن. ءار ۆاگونعا بەينەباقىلاۋ ورناتىلىپ, اۋا باپتاۋ جۇيەسى ەنگىزىلگەن.
ەلەكتر-پويىز استانادان 18 ساعات 40 مينۋتتا شىعىپ, 00 ساعات 50 مينۋتتا پاۆلودارعا كەلەدى. كەرەكۋدەن كەرى جونەلۋى 9 ساعات 29 مينۋتتا. ول ەلورداعا 15 ساعات 30 مينۋتتا كەلەدى. نەبارى التى ساعاتتا ارقاداعى ەكى قالانى قوسادى. جولشىباي ەرەيمەنتاۋ مەن ەكىباستۇز ستانسالارىندا ايالدايدى.
ەلەكتر پويىز جايلى كرەسلوسى بار 10 ۆاگوننان تۇرادى. وسىنىڭ تورتەۋى ءبىرىنشى ساناتتى. وندا 206 جولاۋشىعا ورىن بار. ال, ەكىنشى ساناتتاعى ەكى ۆاگونعا 92, ءۇشىنشى ساناتتاعى ۆاگوندارعا 194 ادام جايعاسا الادى. اتالعان پويىزبەن بارلىعى 492 جولاۋشى جول جۇرە الادى. ءبىرىنشى جانە ەكىنشى ساناتتى ۆاگونداردىڭ ىشىندە تەلەديدار مەن بار ورنالاسقان.
جول ءجۇرۋ قۇنى استانادان پاۆلودارعا دەيىن ءبىرىنشى ساناتتى ۆاگوندا – 1956, 2 ساناتتى ۆاگوندا – 1822, ءۇشىنشى ساناتتى ۆاگوندا 1514 تەڭگە تۇرادى.
قازىرگى تاڭدا «قالا ماڭىنداعى تاسىمال» اق رەسپۋبليكا بويىنشا 21 باعدارعا 24 ەلەكتر-پويىزىن شىعاردى. سوڭعى جىلدارى اسا جايلى 24 ۆاگون ساتىپ الىندى. شىمكەنت پەن ءتۇركىستان ارالىعىنا ديزەلدى رەلستى جىلجىمالى قۇرام قاتىنايدى. بولاشاقتا ۆاگونداردىڭ جاڭعىرتۋ ءىسىن ۇزدىكسىز جالعاستىراتىن بولامىز, دەدى استانادان جاڭا جىلجىمالى قۇرامدى شىعارىپ سالۋ ءراسىمىندە «قالا ماڭىنداعى تاسىمال» اق پرەزيدەنتى بايان ءسۇنناتوۆا.
«ەگەمەن-اقپارات».