ناۋرىزدىڭ 31-ءى كۇنى ورال قالاسىنداعى قۇرمانعازى كوشەسى 164 ءۇيدىڭ پاتەرىنەن 1962 جىلى تۋعان ەر ادامنىڭ مۇردەسى تابىلعان. پوليتسيانىڭ مالىمدەۋىنشە, مۇردەدە زورلىقپەن ءولتىرۋ بەلگىلەرى جوق.
بۇل وقيعادا ەلدى ەرەكشە الاڭداتقان ماسەلە, مارقۇم 16 ناۋرىز كۇنى رەسەي فەدەراتسياسىنان كەلگەن ەكەن. سوندىقتان توتەنشە جاعداي تالاپتارىنا سايكەس مارقۇمنىڭ دەنەسىن ءوز ۇيىنەن الىپ شىققان ارنايى قىزمەت كوروناۆيرۋس ىندەتىن تاراتپاۋدىڭ بارلىق قاتاڭ تالاپتارىنا سايكەس جاساۋى ءتيىس.
«الايدا بۇل كورىنىسكە قاراپ الدىن الا قاتە اقپارات تاراتۋعا بولمايدى. قاۋىپسىزدىك شارالارىن بارىنشا ساقتاۋ – دارىگەرلەردىڭ تىكەلەي مىندەتى. ال ەلدى دۇرلىكتىرىپ, جالعان اقپارات تاراتۋشىلار قىلمىستىق جاۋاپكەرشىلىككە تارتىلاتىنىن ەسكەرتەمىز» دەگەن ەسكەرتۋ تاراتتى باتىس قازاقستان وبلىستىق پوليتسيا دەپارتامەنتى.
ءولىم سەبەبىن انىقتاۋ ءۇشىن مۇردە سوت-مەديتسينالىق ساراپتاما ورتالىعىنا جىبەرىلەدى.
باتىس قازاقستان