تەننيستەن اقش-تىڭ ۇلتتىق قۇراما كومانداسىنىڭ بۇرىنعى كاپيتانى پاتريك ماكينرويدىڭ كوروناۆيرۋس دەرتىنە شالدىققانى بەلگىلى بولدى.
كوپشىلىك پاتريكتى تۋعان اعاسى دجون ماكينروي ارقىلى جاقسى تانيدى. ول - الەمدىك تەننيس تاريحىنداعى ەڭ ەلەۋلى تۇلعالاردىڭ ءبىرى. 61 جاستاعى دجون كەزىندە اقش-تىڭ اشىق بىرىنشىلىگىندە ءتورت رەت توپ جارىپ, ۋيمبلدون تۋرنيرىندە ءۇش مارتە دارا شىقتى. اتر دودالارىندا 77 رەت جەڭىمپاز اتانىپ, سەكسەنىنشى جىلداردىڭ باسىندا الەمنىڭ ءبىرىنشى راكەتكاسى اتاندى. سونىمەن قاتار, دجون «ۇلكەن دۋلىعا» ساناتىنداعى جارىستاردىڭ جۇپتىق سايىستارىندا 9 رەت تەڭدەسسىز دەپ تانىلدى.
پاتريك تە قارا جاياۋ ەمەس. ول جۇپتىق باسەكەدە رولان گارروستىڭ جەڭىمپازى اتانسا, اۋستراليانىڭ اشىق بىرىنشىلىگىنىڭ فينالىندا وينادى. مەلبۋرندە ءداستۇرلى تۇردە ۇيىمداستىرىلىپ تۇراتىن ءتۋرنيردىڭ جارتىلاي فينالىندا ونەر كورسەتتى. توقسانىنشى جىلداردىڭ بەل ورتاسىندا ماكينورويلاردىڭ كىسشىسى اتر رەيتينگىندە 27 ورىنعا دەيىن كوتەرىلدى. ودان كەيىن باپكەرلىكتىڭ قامىتىن كيىپ, 2007 جىلى اقش قۇراماسىمەن بىرگە دەۆيس كۋبوگىن جەڭىپ الدى. سونىمەن قاتار, پاتريك ماكينروي سپورت كوممەنتاتورى رەتىندە تىكەلەي ەفيردەن تەننيسشىلەردىڭ تالاي باسەكەسىن جۇرگىزدى.