قايىرىمدىلىق اكتسياسى

سوڭعى كەزدەرى الەۋمەتتىك احۋالى ماردىمسىز ازاماتتار مەن وتباسىلارعا, بالا-شاعاعا ءتۇرلى دەڭگەيدە قايىرىمدىلىق كومەك بەرىپ, جاردەم قولىن سوزاتىندار كوبەيدى. بۇل – «ولە جەگەنشە, بولە جە» دەيتىن حالىقتىڭ ۇرپاقتارى, «كورشىسى اش وتىرىپ, ءوزى توق وتىرعاندى» كۇنا سانايتىن ءدىننىڭ وكىلدەرى رەتىندە قايتا اينالىپ قازىعىمىزدى تاپقاندىعىمىزدىڭ بەلگىسى بولسا كەرەك.

سوڭعى كەزدەرى الەۋمەتتىك احۋالى ماردىمسىز ازاماتتار مەن وتباسىلارعا, بالا-شاعاعا ءتۇرلى دەڭگەيدە قايىرىمدىلىق كومەك بەرىپ, جاردەم قولىن سوزاتىندار كوبەيدى. بۇل – «ولە جەگەنشە, بولە جە» دەيتىن حالىقتىڭ ۇرپاقتارى, «كورشىسى اش وتىرىپ, ءوزى توق وتىرعاندى» كۇنا سانايتىن ءدىننىڭ وكىلدەرى رەتىندە قايتا اينالىپ قازىعىمىزدى تاپقاندىعىمىزدىڭ بەلگىسى بولسا كەرەك.

جۋىردا اقتاۋ قالاسىنداعى ىنتىماق الاڭىندا حالىق قۇجىناپ, «گازەل» ماركالى اۆتوكولىكتەر ءيىن تىرەسە سىڭسىپ تۇردى. بارسام, جىلداعى داستۇرىنە ساي «نۇر وتان» حدپ ماڭعىستاۋ وبلىستىق فيليالى ۇيىمداستىرعان «شىن جۇرەكتەن» اتتى قايىرىمدىلىق ونكۇندىكتىڭ باستالۋى ەكەن.

پارتيانىڭ وبلىستىق فيليالى توراعاسىنىڭ ءبىرىنشى ورىنباسارى ق.جۇماشەۆ «حالىقتىڭ ءومىر ءسۇرۋ دەڭگەيىنىڭ جاقسارۋىنا قاراماستان, قوعامىمىزدا قامقورلىققا ءزارۋ, ءوز ورتاسىنىڭ كوڭىل اۋدارۋىن قاجەت ەتەتىن ازاماتتار بار. ولاردىڭ ساناتىنا ءوزىن قامتاماسىز ەتە المايتىن مۇگەدەكتەر, كوپ­بالالى انالار, تومەنگى مولشەردە زەينەتاقى الاتىن زەينەتكەرلەر, الەۋمەتتىك از قامتىلعان ازاماتتار, جالعىزباستى ەڭبەككە جارامسىزدار مەن جەتىم جانە مۇمكىندىگى شەكتەۋلى بالالار جاتادى» دەگەن ول قايىرىمدىلىق اكتسياسى ەلىمىزدىڭ كونستيتۋتسيا كۇنىنە ارنالعانىن, سونىمەن قاتار, ءبىلىم كۇنىن دە ۇمىت قالدىرماي وسى ونكۇندىك اياسىندا «بالانى مەكتەپكە دايارلايىق» اكتسياسىنىڭ بىرگە جۇرەتىنىن ايتتى.

ماڭعىستاۋ وبلىسىندا جارتى ميلليوننان استام تۇرعىن بار دەسەك, سونىڭ 20 مىڭعا جۋىعى كومەككە مۇقتاج. اكتسيادا وسى ازاماتتار مەن وتباسىلاردىڭ ءتىزىمى ارنايى تاقتاعا ءىلىنىپ, كومەك بەرەمىن دەگەندەردىڭ نازارىنا ۇسىنىلدى. قۇقىق قورعاۋ ورىندارى, ادىلەت باسقارماسى مەن «نۇر وتان» پارتياسى قوعامدىق قابىلداۋ جۇرگىزگەن اكتسيادا ماڭعىستاۋ وبلىستىق, اقتاۋ قالالىق جانە مۇنايلى اۋداندىق ءماسليحاتتار دەپۋتاتتارى, ءتۇرلى قوعامدىق بىرلەستىكتەر مەن قايىرىمدىلىق قوزعالىستارى, ءىرى ساۋدا ورتالىقتارى, الەۋمەتتىك مەكەمەلەر بالالارعا مەكتەپ كيىمدەرى مەن وقۋ-قۇرالدارىن, قامقورسىز وتباسىلارعا اقشالاي جانە ازىق-ت ۇلىك ۇسىندى. كونستيتۋتسيا كۇنىنىڭ ارنايى سىيلىعى دا ۇمىت قالعان جوق.

گۇلايىم شىنتەمىرقىزى,

«ەگەمەن قازاقستان».

ماڭعىستاۋ وبلىسى.