ازاتتىعىمىزدىڭ ايعاعى - كونستيتۋتسيا كۇنى مەرەكەسىنە ارنالعان شارالار قىزىلوردا قالاسىنا قاراستى اۋىلداردا باستالىپ كەتتى. بۇل تۋرالى قالا اكىمىنىڭ ءباسپاسوز حاتشىسى بالدىرعان مامەن حابارلادى
بۇگىن قالاعا قاراستى قىزىلجارما اۋىلىندا «ايبارلى اتا زاڭ», تاسبوگەت كەنتىندە «اتا زاڭىم ايالايدى ەلىمدى» تاقىرىپتارىندا مەرەكەلىك شارالار وتۋدە. ال ەرتەڭ وزگە اۋىلدىق وكرۋگتەردە وتكىزىلەدى.مەرەكەنىڭ نەگىزگى شارالارى 30 تامىز كۇنى قالانىڭ ءۇش اۋماعىندا ۇيىمداستىرىلادى دەپ جوسپارلانۋدا.ونىڭ العاشقىسى قازاقستان رەسپۋبليكاسىنىڭ تۇڭعىش پرەزيدەنتى اتىنداعى ساياباقتان باستاۋ الىپ, ءانشى, سازگەر ەلەنا ابدىحالىقوۆا, «دارىن» مەملەكەتتىك جاستار سىيلىعىنىڭ يەگەرى, ءانشى التىناي جوراباەۆا جانە جەرگىلىكتى ونەرپازدار جۇرتشىلىققا ءان-جىردان شاشۋ شاشادى.
ءامىرحان الماعانبەتوۆ.