وڭىرلىك كوممۋنيكاتسيالار قىزمەتىنىڭ حابارلاۋىنشا, بۇعان وسى ەمحانادا جۇمىس ىستەيتىن مەديتسينالىق قىزمەتكەردىڭ ىندەتتى جۇقتىرۋى سەبەپ بولىپ وتىر. مەدبيكە 17 ناۋرىزدا «الماتى-اتىراۋ» باعىتىمەن كەلگەن قىزدان قان سىناماسىن العان. بۇگىن ونىڭ كوروناۆيرۋس ينفەكتسياسىن جۇقتىرعانى راستالدى.
«كوروناۆيرۋس جۇقتىرعان ناۋقاسپەن 27 بايلانىسۋشىنىڭ بار ەكەندىگى بەلگىلى بولدى. ولاردىڭ بارلىعى وقشاۋلانىپ, كارانتينگە جاتقىزىلدى» -دەپ حابارلادى وڭىرلىك كوممۋنيكاتسيالار قىزمەتى.
اتىراۋ وبلىستىق دەنساۋلىق ساقتاۋ باسقارماسىنىڭ حابارلاماسىنا سايكەس, ەندى №3 قالالىق ەمحانا 30 ناۋرىزدان قاشىقتان جۇمىس ىستەيتىن بولدى. مەديتسينالىق مەكەمەگە جاپپاي دەزينفەكتسيالاۋ جۇمىستارى جۇرگىزىلەدى.
جۇماسات عازيز