ءوڭىردىڭ ءوڭىن كىرگىزەتىن شارۋاسىنىڭ تولىمدىسى استىق ءوسىرۋ. وبلىس ديقاندارى ءوز ايماعىمىزدى عانا قامتاماسىز ەتىپ قانا قويماي, ساپالى ءونىمىن شەتكە شىعارىپ, شالعايداعى جۇرتتى دا ۇنمەن قارىق قىلىپ وتىر.
قازىرگى كۇنى جاقسى اۋدانىنداعى تنك اگروفيرماسىنىڭ قۇرامىنا كىرەتىن «ۋروجاي» جاۋاپكەرشىلىگى شەكتەۋلى سەرىكتەستىگىنىڭ جارما جانە جىلدام دايىندالاتىن س ۇلى قاۋىزى ونىمدەرىنە سۇرانىس جوعارى بولىپ وتىر. وسى كاسىپورىن باسشىسى عابيدەن ءبراليننىڭ ايتۋىنا قاراعاندا, مۇندا تاۋلىگىنە بەس ءجۇز توننادان استام بيداي ۇگەتىن 4 ديىرمەن جۇمىس ىستەپ تۇر. اگروفيرمانىڭ مەنشىگىندە مالعا قاجەتتى قۇراما جەم شىعاراتىن زاۋىت تا بار. وتكەن جىلى جىلدىق قۋاتى 12000 توننانى قۇرايتىن ءتۇرلى جارمالار مەن جىلدام دايىندالاتىن س ۇلى قاۋىزدارىن شىعاراتىن كاسىپورىن ىسكە قوسىلدى.
قازىرگى زامانعى تەحنولوگيامەن جابدىقتالعان وسى كاسىپورىننىڭ ساپالى ونىمدەرىنە سۇرانىس كۇننەن-كۇنگە كوبەيە تۇسۋدە. ءونىمنىڭ ءوزى ساپالى بولعاننان كەيىن ءوتۋى دە جاقسى. اسىرەسە, رەسەي, اۋعانستان, ورتا ازيا ەلدەرى بۇيىمتايلارىن ايتۋدا. ءبىر ايتا كەتەرلىگى, ۇنمەن بىرگە جارما مەن جىلدام دايىندالاتىن س ۇلى قاۋىزدارىنىڭ وننان استام ءتۇرى شىعارىلادى. شيكىزات وزدەرىنەن. بۇگىنگى تاڭدا قازاقستاندا وندىرىلەتىن ۇننىڭ ون پروتسەنتكە جۋىعى جاقسى ەلەۆاتورىنىڭ ۇلەسىندە. جالپى, اقمولا وبلىسىندا اگرونەركاسىپ كەشەنىن دامىتۋ شەڭبەرىندە ەڭبەك ونىمدىلىگىن جانە قايتا وڭدەلگەن ونىمدەردىڭ ەكسپورتتىق الەۋەتتىن ارتتىرۋ مىندەتتى تۇر. وتكەن جىلى اگروفيرما 42,1 ميللليارد تەڭگە كولەمىندە مەملەكەتتىك قولداۋعا يە بولدى. وسىنىڭ ارقاسىندا جىل قورىتىندىسى بويىنشا اۋىل شارۋاشىلىعى سالاسىندا ىشكى ءونىم كولەمى 515,8 ميلليارد تەڭگەگە جەتتى.
جاقسى اۋدانى,
اقمولا وبلىسى