قۇرلىقتىق حوككەي ليگاسىنىڭ ويىندارى كوروناۆيرۋس پاندەمياسىنا بايلانىستى توقتاعان سوڭ قحل باسشىلىعى ماۋسىمدى جاڭا جۇيە ارقىلى جالعاستىرۋدى ءجون دەپ تاپقان ەكەن.
ەندى گاگارين كۋبوگىنىڭ جەڭىمپازىن حوككەيشىلەر ەمەس, جانكۇيەرلەر داۋىس بەرۋ ارقىلى انىقتايدى. وسىعان وراي, بۇگىن قحل-ءدىڭ الەۋمەتتىك جەلىدەگى رەسمي پاراقشالارىندا پلەي-وفف كەزەڭىنىڭ ەكىنشى ونلاين داۋىس بەرۋ ويىنى باستالدى.
قۇرمەتتى جانكۇيەرلەر, «بارىس» نۇر-سۇلتان قالاسىنىڭ كومانداسى بولسا دا, قحل ويىندارىندا ەل نامىسىن قورعايتىنى بەلگىلى. سوندىقتان قحل-ءدىڭ رەسمي پاراقشالارى ارقىلى (ۆك, Twitter, ودنوكلاسسنيك, Instagram) «بارىسقا» داۋىس بەرىڭىزدەر. ونلاين ويىن نۇر-سۇلتان ۋاقىتى بويىنشا تۇنگى 23:00-گە دەيىن جالعاسادى.
28 ناۋرىزدا وتكەن العاشقى ونلاين باسەكەدە جەرلەستەرىمىز ءنوۆوسىبىردىڭ «سيبير» كومانداسىنان جەڭىلدى. قحل ۇيىمداستىرۋشىلارىنىڭ ايتۋىنشا, «بارىس» جانكۇيەرلەرى داۋىس بەرۋ كەزىندە ەرەجە بۇزعانى ءۇشىن ءبىزدىڭ كوماندادان 50 پايىز داۋىستى شەگەرگەن. قورىتىندى ناتيجە – 61 845:43 520 ء«سيبيردىڭ» پايداسىنا.