تاياۋدا جامبىل وبلىسى بويىنشا كبد «قورداي» كەدەنىنىڭ كونترابانداعا قارسى كۇرەس ءبولىمىنىڭ جانە «قورداي» كەدەن بەكەتىنىڭ قىزمەتكەرلەرى جەدەل-ىزدەستىرۋ شارالارىن جۇرگىزۋ بارىسىندا مىناداي وقيعا بولدى. وسى جەردە پاسپورتتىق باقىلاۋدان وتكەن كەدەندىك دەكلاراتسيالاۋعا جاتاتىن اقشانى شەكارادان وتكىزۋگە وقتالعان قىرعىز رەسپۋبليكاسى وش وبلىسىنىڭ تۋماسى, 1972 جىلى تۋعان ا. ەسىمدى ازاماتتىڭ جەكە باسىن قاراۋ بارىسىندا ودان 30 300 اقش دوللارى تابىلدى. اتاپ ايتقاندا, 9 200 اقش دوللارى سومكەسىندە تابىلسا, 21 100 اقش دوللارى ەكى بولىككە ءبولىنىپ, كەدەندىك باقىلاۋدان جاسىرۋ ماقساتىندا جىگىتتىڭ ۇستىنە كيگەن كيىمىنىڭ ەتەگىنە جاسىرىلعان جەرىنەن تابىلعان.
وسى فاكت بويىنشا بۇل ازاماتقا قاتىستى قر قك 209-بابىنىڭ 1-تارماعىمەن قىلمىستىق ءىس قوزعالدى, دەپ حابارلادى جامبىل وبلىسى بويىنشا كبد ءباسپاسوز قىزمەتى.