قىزىلوردا وبلىسى پوليتسيا دەپارتامەنتىنىڭ باستىعى, پوليتسيا پولكوۆنيگى بەكتورە سۇلتان تۇرعىندارعا ونلاين رەجيمدە ەسەپ بەردى. بۇل تۋرالى دەپارتامەنتتىڭ ءباسپاسوز قىزمەتى حابارلادى.
بەكتورە جەڭىسباي ۇلى تىكەلەي ەفيردە تۇرعىندار سۇراقتارىنا جاۋاپ بەرىپ, پىكىر الماستى. قىلمىستىق احۋال مەن قىلمىستىق قۇقىق بۇزۋشىلىقتىڭ الدىن الۋ باعىتىنداعى اتقارىلعان جۇمىس تۋرالى ايتىپ ءوتتى.
پوليتسيا باسشىسى قازىرگى جاعدايعا بايلانىستى, تۇرعىنداردان ساقتىق شارالارىن ۇستانىپ, حالىق كوپ جينالاتىن ورىندارعا بارماۋ قاجەتتىگىن باسا ايتتى. وسى كۇنى دەپارتامەنتتىڭ جەكە قۇرامى ەرەكشە رەجيمدە قىزمەت اتقارىپ, توتەنشە جاعداي تالاپتارىنىڭ ساقتالۋىن قاتاڭ قاداعالاۋدا.
سونىمەن قاتار, ول پوليتسيا جۇمىسىن جاڭا ساتىعا كوتەرۋ, ازاماتتاردىڭ قۇقىعىن قورعايتىن ءتارتىپ ساقشىسىنىڭ ءيميدجىن قالىپتاستىرۋ, سالا جۇمىسىنا ساندىق تەحنولوگيالاردى ەنگىزۋ جۇمىستارى جونىندە ايتىپ ءوتتى.
تىكەلەي ەفيردە تۇرعىنداردان 100-گە جۋىق ارىز بەن ۇسىنىس ءتۇستى.