اقتوبە وبلىستىق اكىمدىگى جانىنان كوروناۆيرۋستىق احۋالعا قاتىستى اقپارتتاندىرۋدى جۇيەلەندىرۋ مەن وڭتايلاندىرۋ ماقساتىندا CALL-ورتالىعى قۇرىلىپ, قىزمەت جاساپ كەلەدى. تاۋلىك بويى جۇمىس ىستەيتىن ورتالىققا تۇرعىندار 906-606 بايلانىس تەلەفون ارقىلى حابارلاسا الادى.
قازىرگى كۇنگە دەيىن وعان تۇرعىنداردان تۇسكەن سۇراقتاردىڭ اراسىندا مەديتسينالىق ماسكالار مەن انتيسەپتيك جابدىقتاردىڭ جەتىسپەۋ ماسەلەسى باسىم سيپات العان بولسا, كەيىنگى كۇندەرى بۇل ماسەلە شەشىمىن تاپقاندىقتان كەلەسى كەزەكتە ازىق-ت ۇلىك باعاسى, وقۋشىلاردى ونلاين رەجيمىندە وقىتۋ تارتىپتەرىن ءبىلۋ جونىندەگى ماسەلەلەر العا شىعىپتى.
- تۇتاستاي العاندا پاندەميانىڭ جاي-كۇيىنە وراي قويىلعان ساۋالدار سارالانىپ, سۇزگىدەن وتكىزىلىپ, وعان وكىلەتتى قۇزىرلى ورگانداردىڭ وكىلدەرى مەن ماماندارى جاۋاپ قايتارادى. CALL-دىڭ باستى ارتىقشىلىعى وبلىستىڭ شالعاي اۋداندارىن دا تۇتاستاي قامتي الۋىندا. بۇل رەتتە تۇرعىنداردى تولعاندىرعان ماسەلەلەرگە بايلانىستى ءموبيلدى توپتارعا ءتيىستى تاپسىرمالار بەرىلەدى. ايتەۋىر كوكەيگە مەدەۋ تۇتارلىق جايت الىس ەلدى-مەكەندەردە باعانىڭ نەگىزسىز كوتەرىلۋ دەرەكتەرى ورىن الا قويماپتى, - دەيدى اقتوبە وبلىستىق ىشكى ساياسات باسقارماسىنىڭ باسشىسى ايبەك كوپەنوۆ.
اقپاراتتاندىرۋ جانە سىرتقى بايلانىس باسقاراسىنىڭ باسشىسى سەرگەي بەككەردىڭ ايتۋىنشا, بۇگىنگى كۇنى ورتالىققا 18 ادام جۇمىسقا تارتىلعان. ونىڭ وپەراتورلارى كۇندىز-ءتۇنى حابارلاسقان ازاماتتاردىڭ تالاپ تىلەكتەرىن تىڭداۋعا ءازىر. بۇگىنگى كۇنگە دەيىن جاسالعان تالداۋلارعا سۇيەنسەك تۇرعىنداردىڭ دەنى كوروناۆيرۋستىڭ قانداي اناليزدەر تاپسىرعاندا انىقتالىپ, بەلگىلى بولاتىنىن بىلگىسى كەلەتىنىن بايقاۋعا بولادى. سونداي-اق, توتەنشە رەجيم جاعدايىندا يپوتەكالىق نەسيە تولەمىنىڭ قالاي جۇرگىزىلەتىنى دە كوپشىلىكتى الاڭداتاتىنى سەزىلىپ قالىپ ءجۇر. ولارعا نەسيەلىك قارىزدى كەيىن دە تولەۋگە بولاتىنى جونىندە جۋاپتار قايتارىلعان. ال كەلەسى ءبىر ساۋالداردىڭ توركىنى كارانتيندە جاتقان ادامداردىڭ كۇتىمى قانداي ەكەنىنە قاتىستى تۋىنداپتى. ورتالىققا ۆاحتالىق ادىسپەن وزگە ايماقتاردا جۇمىس ىستەپ جۇرگەندەر دە حابارلاسىپ تۇرادى ەكەن.
- ورتالىق ەڭ العاش قۇرىلعان كۇندەرى حابارلاسۋشىلار تەلەفون جەلىسىنىڭ بوس ەمەستىگىنە ارىز-شاعىمدار تۇسىرگەن ەدى. سوعان سايكەس تەلەفون ارنالارى كوبەيتىلىپ, كوپ ارنالى تارتىپكە كوشىرىلدى. الداعى كەزدە قاجەتتىلىككە قاراي تاعى دا قوسىمشا بايلانىس جەلىلەرىن ورناتۋعا تەحنيكالىق مۇمكىندىگىمىز جەتكىلىكتى, - دەيدى سالا جەتەكشىسى س. بەككەر.
مىنە وسىلايشا بۇگىنگى كۇنى اقتوبەدە قۇرىلعان CALL ورتالىعى قىزۋ ءىس ۇستىندە.
اقتوبە