قايىرىمدىلىق كەرۋەنى جولعا شىقتى

جالعىزىلىكتى قاريالارعا, ۇوس جانە تىل ارداگەرلەرىنە, باسقا دا كومەككە مۇقتاج جاندارعا كۇندەلىكتى قاجەت ازىق-ت ۇلىك, قاۋىپتى ىندەتتەن قورعانۋ قۇرالدارىن تاراتىپ جۇرگەن ەرىكتىلەردىڭ باستاماسىن ورال قالاسىنداعى كاسىپكەرلەر, ەتنومادەني بىرلەستىك وكىلدەرى بارىنشا قولداپ جاتىر. اسىرەسە «بەلەس-اگرو», جەلاەۆ ۇن كومبيناتى سىندى ءىرى كاسىپورىندار, «سۋروۆسكي» دۇكەنى استىق پەن ماكارون ونىمدەرىن, وسىمدىك مايىن تەگىن بەرگەن. ارميان ەتنومادەني ورتالىعى 100 كەلى ۇن مەن 50 كەلى ماكارون ونىمدەرىن ۇسىنسا, تاتار ۇلتتىق قوعامى ۇن ونىمدەرىمەن بولىسكەن. شەشەن-ينگۋش مادەني ۇيىمى ونكولوگيالىق سىرقاتتارعا 800 دانا بەتپەردە مەن 10 ليتر انتيسەپتيك تاراتتى.

«قايىرىمدىلىق كەرۋەنى» توتەنشە جاعداي ۋاقىتى اياقتالعانشا جۇمىس ىستەيتىن بولادى. قوزعالىستىڭ 21 ادامنان تۇراتىن شتابى قۇرىلعان. ەرىكتىلەر دەمەۋشىلەر كومەگىمەن دايىندالعان «الەۋمەتتىك پاكەتتەردى» ءوز كولىكتەرىمەن مۇقتاج جاندارعا تاراتادى. ناۋرىزدىڭ 24-ءى كۇنى 42 ادام وسىنداي قايىرىمدىلىق جاردەمىنە يە بولدى.

ورالدىق ەرىكتىلەردىڭ ۇيىمشىلدىعى مەن باستاماشىلدىعىنا ريزا بولعان باتىس قازاقستان وبلىستىق پوليتسيا دەپارتامەنتى باسشىلىعى ولارمەن ارنايى كەزدەسىپ, توتەنشە جاعداي رەجيمىن ساقتاۋ بويىنشا رەيدتەرگە قاتىسۋدى سۇراعان ەكەن. قازىر ەرىكتىلەر بۇل شاراعا دا بەلسەنە كىرىسىپ كەتتى.

سۋرەتتى تۇسىرگەن رافحات حالەلوۆ

باتىس قازاقستان