«توتەنشە جاعداي رەجيمىنىڭ ۇزارتىلۋى ەپيدەميولوگيالىق جاعدايعا, كوروناۆيرۋستىق ينفەكتسيالارمەن بايلانىستى بولادى. وسى ۋاقىتقا دەيىن, ياعني 15 ساۋىرگە دەيىن ءبىز اۋرۋدى ازايتۋعا كىرىسەمىز دەپ ۇمىتتەنەمىز. بۇل جاعدايدا مەملەكەت باسشىسى شەشىم قابىلدايدى. مەملەكەتتىك كوميسسيادا ءبىز كۇن سايىن وسى جاعدايدى قاراستىرامىز. ەگەر جاعداي تەرىس بولسا, وندا, ارينە, توتەنشە جاعدايدى ۇزارتۋ مۇمكىن» دەدى ەلجان ءبىرتانوۆ فەيسبۋكتەگى پاراقشاسىندا.
ءمينيستردىڭ ايتۋىنشا, كوروناۆيرۋستىڭ ەڭ جوعارى دەڭگەيى ءساۋىر ايىنىڭ العاشقى ونكۇندىگىندە بولجانادى.
«وكىنىشكە قاراي, بۇل ءاردايىم بىزگە بايلانىستى ەمەس, ياعني, ءبىزدىڭ ەسەپتەۋىمىز بويىنشا, كارانتيندىك شارالار اۋرۋدىڭ تارالۋىن شامامەن 50% تومەندەتۋگە مۇمكىندىك بەردى. سوندىقتان بۇدان ءارى شارالاردى قاتاڭداتۋ قاجەت, كارانتيندىك شارالاردى ساقتاۋ وتە ماڭىزدى جانە كۇشەيتۋدى ودان ءارى جالعاستىرۋعا بولادى, بۇل فاكتور كەشە, پرەزيدەنت ايتقانداي, ينفەكتسيانىڭ تارالۋ جىلدامدىعىن تومەندەتۋگە مۇمكىندىك بەرەدى» دەدى ەلجان ءبىرتانوۆ.