اقش ازىق-ت ۇلىك جانە ءدارى-دارمەكتەر باسقارماسى (FDA) 45 مينۋتتان كەيىن الۋعا بولاتىن العاشقى كوروناۆيرۋس جەدەل دياگنوستيكالىق تەستىن ماقۇلدادى. بۇل تۋرالى تەستتى جاساۋشى - مولەكۋلالىق دياگنوستيكانى جاساۋمەن اينالىساتىن كاليفورنياداعى Cepheid كومپانياسى مالىمدەدى.
تەست ناتيجەلەرىن سىناق تاپسىرعاننان كەيىن 45 مينۋت ىشىندە الۋعا بولادى.
«Cepheid» كومپانياسى تاراتقان اقپاراتقا سايكەس, كومپانيا FDA-دان توتەنشە سىناقتاردى جۇرگىزۋگە رۇقسات الدى, ولار نەگىزىنەن اۋرۋحانالار مەن جەدەل جاردەم بولمەلەرىندە قولدانىلادى. كومپانيا كەلەسى اپتادا اۋرۋحانالارعا تاسىمالداۋدى تەكسەرۋدى باستايدى.
بۇرىن ازىرلەنگەن تەستىلەۋ تەحنولوگيالارى ۆيرۋستى تابۋدىڭ مۇنداي جىلدام ۋاقىتىنا قول جەتكىزۋگە مۇمكىندىك بەرمەدى. قازىرگى ۋاقىتتا الىنعان سىنامالاردىڭ بارلىق ۇلگىلەرى ورتالىقتاندىرىلعان زەرتحاناعا جىبەرىلىپ, ناتيجەسىن كۇتۋ بىرنەشە كۇنگە سوزىلۋى مۇمكىن
كومپانيا وكىلىنىڭ ايتۋىنشا, COVID-19 تۋدىراتىن ۆيرۋسقا دياگنوستيكالىق تەست بۇكىل الەمدەگى مەديتسينالىق زەرتحانالاردا ورناتىلعان 23000-نان استام «GeneXpert Cepheid» اۆتوماتتاندىرىلعان جۇيەلەرىنىڭ كەز-كەلگەنىندە جۇمىس ىستەۋ ءۇشىن جاسالعان.
«Cepheid» كومپانياسى پرەزيدەنتى ۋوررەن كوكموندتىڭ ايتۋىنشا, جۇيەلەر تاۋلىك بويى جۇمىس ىستەي الادى. زەرتحاناشىلارعا تەستىلەۋ ءۇشىن ارنايى دايىندىقتان ءوتۋ قاجەت ەمەس, ويتكەنى تەحنولوگيا وتە قاراپايىم.
سىناق جيىنتىعىنىڭ قۇنى ءالى بەلگىسىز.