اقش كوروناۆيرۋسپەن كۇرەسۋ ءۇشىن ۇكىمەت كومەگىنىڭ ءۇشىنشى پاكەتىن دايىندادى

بۇل كومەك پاكەتى ءۇشىنشى  قۇجات. ونى اقش كونگرەسى ماقۇلداپ, وعان پرەزيدەنت ترامپ قول قويادى. الدىڭعى ەكى كومەك پاكەتىندە  جۇمىسشىلارعا 100 ميلليارد دوللارلىق اقى تولەنەتىن ەڭبەك دەمالىسىن بەرۋ, جۇمىسسىزدىقتان ساقتاندىرۋ جانە اقش-تىڭ كوروناۆيرۋستىق تەگىن تەستىلەۋىن قامتاماسىز ەتۋگە باعىتتالدى.   وسى قۇجات شەڭبەرىندە مەملەكەتتىڭ  دەنساۋلىق ساقتاۋ جۇيەسىنە 8,3 ميلليارد دوللار كومەك بەرۋدى زاڭداستىرادى.

زاڭ شىعارۋشىلار بارلىق تاراپتىڭ  كەز كەلگەن جاعدايدا ءبىرىنشى كەزەكتە كەلىسىمگە باسىمدىق بەرۋىن تالاپ ەتىپ وتىر. سەبەبى ۋاقىت تىعىز. دەرتتىڭ  جاۋلاپ العان اۋماعى ۇلعايىپ بارادى.  سول سەبەپتى ولار تەك فەدەرالدى رەزەرۆتىڭ ەمەس, جەكەلەگەن ادامداردىڭ دا كومەگىنەن ۇمىتتەنىپ وتىر.  

Reuters اگەنتتىگىنىڭ حابارلاۋىنشا اقش-تىڭ قارجى ءمينيسترى ستيۆەن منۋچين كونگرەسستى تەزىرەك ارەكەت ەتۋگە جانە كەلەسى اپتانىڭ باسىندا ەكونوميكالىق ىنتالاندىرۋ شارالارىن قابىلداۋعا شاقىردى.  

كەشە كەشكىسىن  «Fox Business Network» اقپاراتتىق پورتالىنا بەرگەن سۇحباتىندا فەدەرالدى ۇكىمەتتىڭ اقش كومپانيالارىنا وتىمدىلىكتى, ونىڭ ىشىندە جاڭا قارىز مىندەتتەمەلەرىن بەرۋ ارقىلى قامتاماسىز ەتۋگە باسا نازار اۋداراتىنىن جانە بيزنەس نەسيەلەرىن وتەۋ  جوسپارلانعانىن ايتتى.

ىنتالاندىرۋ شارالارىنىڭ جالپى جيىنتىعى وباما اكىمشىلىگىنىڭ 2008-2009 جىلدارداعى قارجىلىق داعدارىس كەزىندە قابىلداعان شارالارىنان اسىپ ءتۇسىپ, 800 ميلليارد دوللارعا جەتتى.

اقش-تىڭ فەدەرالدى رەزەرۆتىك جۇيەسى مەملەكەتتىك جانە باسقا وبليگاتسيالاردى ساتىپ الۋ ارقىلى ەكونوميكانى وتىمدىلىكپەن قامتاماسىز ەتۋ ءۇشىن 700 ميلليارد دوللارعا ساندىق جۇمسارتۋ باعدارلاماسىن جۇرگىزۋمەن قاتار, پايىزدىق مولشەرلەمەلەردى نولگە دەيىن تومەندەتتى.

ۆاشينگتونداعى ستراتەگيالىق جانە حالىقارالىق زەرتتەۋلەر ورتالىعىنىڭ ساراپشىسى ستەفاني سەگال (جۋرناليستەرمەن تەلەفون ارقىلى سويلەسكەن كەزدە زاڭ شىعارۋشىلار وتە تەز ارەكەت ەتىپ, ءتۇرلى شارالار قابىلدايتىنىن اتاپ ءوتتى.

«قازىرگى جاعدايدا, 2008-2009 جىلدارداعى قارجىلىق داعدارىس كەزىندە جىبەرىلگەن قاتەلىكتەر كوپ جاعدايدا ەسكەرىلدى», دەيدى ساراپشى.

ساراپشىنىڭ پايىمداۋىنشا ساياساتكەرلەر 2008 جىلعى داعدارىستىڭ ساباقتارى تۋرالى ءبىلدى اقش بيزنەسى ۇكىمەتتىك ورگاندارمەن ينتەگراتسيالاۋعا اسىعىپ, كومەك قولىن سوزىپ جاتىر.

«ولار قازىرگى ەكونوميكالىق كۇيزەلىس قارجى اعىنىن تەجەيتىن قارجىلىق داعدارىسقا اينالاتىن ستسەناريدىڭ الدىن الۋعا تىرىسۋدا»,  دەيدى اقشا-كرەديت ساياساتى سالاسىنداعى ساراپشى.

سونداي-اق ساراپشى 2007-2008 جىلعى جاھاندىق قارجىلىق داعدارىس يپوتەكالىق تۇرعىن ءۇي كەپىلدىگىمەن بايلانىستى ەكەنىن ەسكە ءتۇسىردى.  

«بىزگە  كومەك جاڭا ەكونوميكالىق داعدارىستىڭ الدىن الۋ ءۇشىن قاجەت. اقش ۇكىمەتى تۇشكىرسە, الەمنىڭ ەكونوميكاسىنىڭ وكپەسى دەرتتەنەدى. الدىڭعى داعدارىستا اقش بيلىگى ەكونوميكالىق شارالار قابىلداۋعا جانە ىندەتتى ءبىرجولا توقتاتۋعا سونشالىقتى ءمان بەرمەدى. مۇنى قاراپايىم تىلمەن ايتقاندا سۇيەك پەن تەرى اراسىنداعى جەل دەپ باعالادى. ءتيىستى شارالاردى كەشىكتىرۋدى بۇگىن قولعا الماساق  امەريكالىقتاردىڭ قارعىسىنا ۇشىرايمىز. سەبەبى بۇعان دەيىنگى داعدارىستى قازىرگى داعدارىسپەن سالىستىرۋعا بولمايدى. ءبىز اقش تاريحىندا بۇرىن-سوڭدى بولماعان  قيىندىقتارمەن بەتپە-بەت تۇرمىز»   دەپ ءسوزىن تۇيىندەدى  ستەفاني سەگال.