ماسكەۋدە جاڭا اۋرۋحانانىڭ قۇرىلىسى باستالدى

«الدىمەن 12 كورپۋستان تۇراتىن ەمدىك بلوكتى, كەيىننەن 16 كورپۋستان  تۇراتىن رەانيماتسيالىق ءبولىمدى سالۋ جوسپارلانۋدا», دەپ حابارلادى «موسكۆا  سترويكومپلەكستىڭ» ءباسپاسوز قىزمەتى. اۋرۋحانا 500 ورىنعا ارنالعان.

«بۇل جۇمىسقا 2 مىڭنان استام ادام مەن 500-دەن استام تەحنيكا قاتىسادى», دەپ حابارلايدى «موسكۆا»  اگەنتتىگى.

10 ناۋرىز كۇنى ماسكەۋ مەرى سەرگەي سوبيانين ءوزىنىڭ ۆەب-سايتىنداعى بلوگىندا جاڭا اۋرۋحانانىڭ جىلجىمالى كەشەنى كوممۋنارك پەن № 1 يكب اۋرۋحاناسىنا قوسىمشا بولاتىندىعىن, ماسكەۋدىڭ «بەتوندى» ساقيناسىنىڭ ارتىنداعى جەر تۇرعىن ۇيلەردەن قاشىقتىعىنا بايلانىستى تاڭدالعانىن ايتقان بولاتىن. بۇل جوبا,  ماسكەۋ مەرى سەرگەي سوبيانين ايتقانداي, ۋاقىتشا ەمەس, ۇزاق جىلدار بويى ماسكەۋلىكتەردىڭ قاجەتىنە جۇمىس ىستەيتىن بولادى.

19 ناۋرىزداعى جاعداي بويىنشا رەسەيدە كوروناۆيرۋستىڭ 199 جاعدايى تىركەلدى, ولاردىڭ 52-ءسى 19 ناۋرىز كۇنى انىقتالعان.

جالپى الەم بويىنشا – 230 مىڭنان استام ادام وسى اۋرۋدى جۇقتىردى. سونىڭ ىشىندە 9714 ادام قايتىس بولدى.