ءبىر پاننەن مۇعالىمدەر كوپ, ەكىنشىسىنەن از...
ءا رجاڭا وقۋ جىلىنىڭ ءوز ەرەكشەلىگى بار. ول جاس ۇرپاققا ءبىلىم بەرۋدەگى وسى سالا قىزمەتكەرلەرىنە, ۇستازدارعا جۇكتەلەتىن مىندەتتەرگە بايلانىستى. بيىلعى وقۋ جىلىندا مەكتەپتەر ءبىلىم بەرۋدىڭ مەملەكەتتىك جالپى مىندەتتى ستاندارتىنا كوشەدى. كوپتىلدىلىكتى دامىتۋ اياسىندا اعىلشىن ءتىلى ءبىرىنشى سىنىپتان باستاپ وقىتىلادى.
ءبىر پاننەن مۇعالىمدەر كوپ, ەكىنشىسىنەن از...
ءا رجاڭا وقۋ جىلىنىڭ ءوز ەرەكشەلىگى بار. ول جاس ۇرپاققا ءبىلىم بەرۋدەگى وسى سالا قىزمەتكەرلەرىنە, ۇستازدارعا جۇكتەلەتىن مىندەتتەرگە بايلانىستى. بيىلعى وقۋ جىلىندا مەكتەپتەر ءبىلىم بەرۋدىڭ مەملەكەتتىك جالپى مىندەتتى ستاندارتىنا كوشەدى. كوپتىلدىلىكتى دامىتۋ اياسىندا اعىلشىن ءتىلى ءبىرىنشى سىنىپتان باستاپ وقىتىلادى.
ءبىلىم بەرۋ سالاسى زامانمەن بىرگە داميدى. ءسىرا, ۋاقىتتىڭ الدىندا جۇرۋگە ءتيىس بولار. ويتكەنى, ءححى عاسىر – تەحنولوگيالار زامانى. مەملەكەتىمىز دۇنيە جۇزىندەگى دامىعان ەلدەردىڭ قاتارىنان كورىنۋ ءۇشىن ەكونوميكا جانە الەۋمەتتىك سالا جاڭا تەحنولوگيالارعا قۇرىلۋى قاجەت ەكەنىن قازىر قاراپايىم جانداردىڭ ءوزى تۇسىنەدى. مۇنسىز الەمدىك باسەكەدە اسىعىمىز الشىسىنان تۇرمايدى. قاي ۋاقىتتا دا ءبىلىمسىز دامۋ بولعان ەمەس. وسىنداي الەمدىك دەڭگەيدەگى وزەكتى ماسەلەلەردىڭ ىرگەتاسى كىشكەنتاي ءبىلىم ۇياسىنان باستاۋ الاتىنى ۇستاز رەتىندە مەنى ماقتانىش سەزىمىنە بولەيدى. سونىمەن قاتار, ناردىڭ جۇگىندەي جاۋاپكەرشىلىكتى دە سەزىنەمىز.
اعىلشىن ءتىلىن ءبىرىنشى سىنىپتان وقىتۋ, ماتەماتيكالىق بەيىمدەگى پاندەرگە باسىمدىق بەرۋ مەكتەپتەر, ۇستازدار ءۇشىن جەڭىل جۇمىس ەمەس. ونىڭ ۇستىنە وبلىستا بيىل 578 ءبىلىم بەرۋ مەكەمەسى «E-learning» ەلەكتروندى ءبىلىم بەرۋ جۇيەسىمەن جۇمىس ىستەيتىن بولادى. ونىڭ ىشىندە جىتىقارا اۋدانىنداعى №3 مەكتەپ تە بار. بۇل مەكتەپ ەلەكتروندى ءبىلىم بەرۋ ءىسى بويىنشا اۋدانداعى بارلىق ءبىلىم وشاقتارى ءۇشىن رەسۋرستىق ورتالىق بولادى. تامىز ءماسليحاتىنان وسى تاپسىرمالار مەن مىندەتتەردى جۇزەگە اسىرۋدىڭ جولدارى مەن ءتۇيىندى شەشىمدەرىن ەستيمىز دەپ ۇمىتتەنەمىن. ءوزىم كوپ جىلدان بەرى جەرگىلىكتى جەردەگى ءبىلىم بەرۋ سالاسىنىڭ باسى-قاسىندا جۇرگەندىكتەن ايتار پىكىرىمدى دە ورتاعا سالسام دەيمىن. ەلەكتروندى ءبىلىم بەرۋ جۇيەسىنىڭ اقساماي ءجۇرۋى ءۇشىن ەڭ الدىمەن مەكتەپتەردىڭ ماتەريالدىق-تەحنيكالىق جاعدايى سايما-ساي بولۋى ءتيىس. اسىرەسە, قازىر اۋىلدىق جەرلەردە كەڭ جولاقتى ينتەرنەت ۇزدىكسىز بولماي, ەلەكتروندى ءبىلىم بەرۋ ءىسى العا باسپايدى.
ال ەكىنشى ءبىر شەشىمى قيىن ءتۇيىن – كادر ماسەلەسى. ءبىزدىڭ اۋداندا اعىلشىن تىلىنەن مۇعالىمدەر جەتكىلىكتى. بۇل اتا-انالار مەن مەكتەپ باسشىلارى ءۇشىن اسا قۋانىشتى جاعداي دا بولىپ وتىر. بىراق ماتەماتيكالىق بەيىم ساباقتاردان مۇعالىمدەر جەتىسپەيدى. ونىڭ سەبەبى كوپشىلىككە ايان دەپ ويلايمىن. بىرىنشىدەن, اۋىلعا جاستار بارا بەرمەيدى. الەۋمەتتىك ماسەلەلەر كوپ. ەكىنشىدەن, جوعارى وقۋ ورىندارىندا ماتەماتيكالىق بەيىم پاندەر بويىنشا ماماندار از دايىندالادى. جاستار بۇل ماماندىقتى از قالايدى. وسى باعىتتا ءتۇيىننىڭ شەشىمىن تابۋعا ءبىلىم ۇياسىنان باستاپ, جەرگىلىكتى اتقارۋ ورگاندارى, اتا-انالار, جالپى قوعام جۇمىلۋى ءتيىس.
ساررا اقتاەۆا,
جىتىقارا اۋداندىق ءبىلىم
ءبولىمىنىڭ باسشىسى.
قوستاناي وبلىسى,
جىتىقارا اۋدانى.