كەشە «نۇر وتان» حدپ ورتالىق اپپاراتىنىڭ قوعامدىق قابىلداۋ بولمەسىندە اۋىل شارۋاشىلىعى ءمينيسترى اسىلجان مامىتبەكوۆ ازاماتتاردى جەكە ماسەلەلەرى بويىنشا قابىلدادى.
كەشە «نۇر وتان» حدپ ورتالىق اپپاراتىنىڭ قوعامدىق قابىلداۋ بولمەسىندە اۋىل شارۋاشىلىعى ءمينيسترى اسىلجان مامىتبەكوۆ ازاماتتاردى جەكە ماسەلەلەرى بويىنشا قابىلدادى. جىل باسىنان بەرى اۋىلشارۋاشىلىعى مينيستر ىجانە مينيسترلىك وكىلدەرى پارتيانىڭ ورتالىق اپپاراتىندا 33 اداممەن جۇزبە-ءجۇز سويلەسىپ, ولاردىڭ ماسەلەلەرىنىڭ شەشىمىن قاراستىرىپتى. مۇندا كەلگەندەر نەگىزىنەن جۇمىسقا ورنالاسۋ, «ديپلوممەن – اۋىلعا!» باعدارلاماسى اياسىندا باسپانا الۋ, قوي تەرىسىن وڭدەۋ, ومارتا شارۋاشىلىعىمەن اينالىسۋ, جەردى سۋلاندىرۋ جانە مال شارۋاشىلىعىن دامىتۋ بويىنشا نەسيە الۋ سياقتى ماسەلەلەردى كوتەرگەن. سونىڭ ىشىندە وڭ شەشىمىن تاپقاندارى دا بار. مىسالى, اقمولا وبلىسى, تسەلينوگراد اۋدانى, ماكسيموۆ اۋىلىنىڭ تۇرعىنى مەتتانەل ۇمبەتوۆاعا «ديپلوممەن – اۋىلعا!» باعدارلاماسى اياسىندا باسپانا ءۇشىن 2 ميلليون 300 مىڭ تەڭگە كولەمىندە قاراجات ءبولىنىپتى. ال شىعىس قازاقستان وبلىسى, تارباعاتاي اۋدانى, قابانباي باتىر اۋىلىنىڭ تۇرعىنى باقاياق سايلاۋعا اسىل تۇقىمدى ءىرى مال باسىن ءوسىرۋ ءۇشىن 2 ميلليون 200 مىڭ تەڭگە كولەمىندە قاراجات بەرىلگەن.
ال كەشەگى قابىلداۋعا كەلگەن قاراعاندى وبلىسى, جاڭاارقا اۋدانى, تۇگىسكەن اۋىلىنىڭ تۇرعىنى بەرىك راشاتوۆ مينيسترمەن قوي شارۋاشىلىعىن دامىتۋ ماسەلەسى بويىنشا پىكىر الماستى. ونىڭ سوزىنە قاراعاندا, ءبىر كەزدەرى «سارىارقا» قوي تۇقىمى وركەن جايىپ, دامىعان بولسا, قازىر ول قۇرىپ بارادى. جەكە شارۋاشىلىقتاردا جۇمىس ىستەيتىندەردىڭ جاعدايى ناشار بولعاندىقتان, ولاردى توپتاستىرۋ قاجەت دەگەندى العا تارتتى. بۇعان جاۋاپ رەتىندە ا.مامىتبەكوۆ قازىر نارىقتىق زامان بولعاندىقتان, جەكەنىڭ ماسەلەسىنە ارالاسا المايتىندىقتارىن, ونى شارۋالاردىڭ وزدەرى شەشۋى قاجەت دەگەندى ايتتى. ءمينيستردىڭ مالىمدەۋىنشە, بيىلدان باستاپ انالىق باسقا سۋبسيديا تولەۋ قولعا الىنعان. ونىڭ ۇستىنە ۇكىمەت سالىق كودەكسىنە ءتيىستى وزگەرىستەر ەنگىزۋ ارقىلى اۋىل شارۋاشىلىعىندا ەڭبەكاقى تولەۋ ماسەلەسىن ىنتالاندىرۋدى قولعا الۋدا. 2011 جىلى ەنگىزىلگەن ءىرى قارا مال انالىعىنا سۋبسيديا بەرۋدىڭ ارقاسىندا مال باسى 20-22 پايىزعا ءوسىپ وتىر.
جەكە كاسىپكەر ەۆگەني نوۆاك ءوز فيرماسىنا بۇرعىلاۋ ءۇشىن جۇمىس اۋقىمىن قامتاماسىز ەتۋگە ىقپال ەتۋىن سۇراپ, مينيستردىڭ وسى ماسەلەگە قولۇشىن بەرۋىن ءوتىندى. كاسىپكەردىڭ ايتۋىنشا, ول بۇگىنگى كۇنگە دەيىن 400-گە تارتا ۇڭعى قازعان. قازىرگى تاڭدا بۇل فيرما ءىرى كاسىپكەرلەر, قورعانىس ۆەدومستۆوسى جانە وزگە دە تاپسىرىس بەرۋشىلەر تاراپىنان تاپسىرىستار قابىلداۋدا كورىنەدى. مينيستر كاسىپكەردىڭ ۇسىنىسىن تىڭداپ بولعان سوڭ, اۋىل شارۋاشىلىعى سالاسىندا فەرمەرلەردى مۇقتاجداپ, قۇدىقتار مەن ۇڭعىلاردى قازدىرۋ دۇرىس ەمەستىگىنە نازار اۋدارتتى. نەگىزىنەن, مۇنداي جۇمىستاردى فەرمەرلەر وزدەرى اتقارا الادى. سوندىقتان, مۇنداي قىزمەت تۇرلەرىن اشىق نارىقتان ىزدەۋ قاجەتتىگىن, اسىرەسە, بيزنەس اسسوتسياتسيالارى ارقىلى ىزدەگەن دۇرىس دەگەندى ايتتى.
ال استانادا «ەكوسفەرا-قازىعۇرت» حالىقارالىق عىلىمي ورتالىعىن قۇرعان امانبەك اقاي ۇلى مينيسترگە اگرو-ەكولوگيالىق قاۋىپسىزدىگىن دامىتۋ تۋرالى ۇسىنىستارىمەن كەلگەندىگىن جەتكىزدى. عالىمنىڭ ۇسىنىستارى عىلىمي نەگىزدە دايەكتەلگەندىكتەن, ونىمەن جاقىن تانىسۋ ءۇشىن بىرنەشە جوبالاردى مينيسترگە تابىس ەتتى.
جالپى, ەسەپتى كەزەڭدە ورتالىق اپپاراتتتىڭ قوعامدىق قابىلداۋ بولمەسىنە مال باسىن كوبەيتۋ, قۇس ءوسىرۋ, قالالىق جانە اۋىلدىق جەرلەردە جىلىجايلار سالۋ, جەمىس-جيدەك القابىن ۇلعايتۋ جانە جەكە شارۋا قوجالىقتارىن دامىتۋ سياقتى ۇسىنىستارمەن 41 ادام كەلگەن ەكەن. قابىلداۋعا كەلگەن ازاماتتارعا ەلىمىزدىڭ قولدانىستاعى زاڭدارى بويىنشا تۇسىنىكتەر مەن كەڭەستەر بەرىلىپ, جازباشا وتىنىشتەر قۇزىرەتتى ورگاندارعا قاراۋ ءۇشىن جىبەرىلگەن.
اسقار تۇراپباي ۇلى,
«ەگەمەن قازاقستان».