ۇستىمىزدەگى جىلدىڭ قاراشا ايىندا استانا قالاسىنىڭ سارىارقا اۋدانى ايماعىندا ءبىر اۋىسىمدا 750 ادامعا مەديتسينالىق قىزمەت كورسەتەتىن جاڭا امبۋلاتوريالىق-ەمحانالىق كەشەن پايدالانۋعا بەرىلەدى, دەپ حابارلايدى استانا قالاسىنىڭ دەنساۋلىق ساقتاۋ باسقارماسى.
ۇستىمىزدەگى جىلدىڭ قاراشا ايىندا استانا قالاسىنىڭ سارىارقا اۋدانى ايماعىندا ءبىر اۋىسىمدا 750 ادامعا مەديتسينالىق قىزمەت كورسەتەتىن جاڭا امبۋلاتوريالىق-ەمحانالىق كەشەن پايدالانۋعا بەرىلەدى, دەپ حابارلايدى استانا قالاسىنىڭ دەنساۋلىق ساقتاۋ باسقارماسى. استانا قالاسى بۇگىندە الەمدەگى ەڭ جىلدام دامىپ كەلە جاتقان مەگاپوليستەردىڭ بىرىنەن سانالادى. قالالىق ستاتيستيكا دەپارتامەنتىنىڭ دەرەكتەرى بويىنشا, ەلوردامىزدىڭ تۇرعىندارى جىل سايىن 40 مىڭ ادامعا كوبەيىپ وتىرادى. بۇل دەگەنىڭىز, ءبىر جىلدا قالا حالقى رۋدنىي, كەنتاۋ سياقتى قالالاردىڭ حالقىنا تەڭ تۇرعىندارمەن تولىعادى دەگەن ءسوز. سوندىقتان ەلوردادا سوڭعى جىلدارى ەمحانالاردىڭ جەتىسپەۋشىلىگى ەرەكشە وتكىر بولىپ وتىر. استانا قالاسىنىڭ اكىمدىگى بۇل كوكەيكەستى ماسەلەنى شەشۋدە كەشەندى شارالار جۇرگىزىپ كەلەدى.
جوعارىدا ايتقانىمىزداي, الداعى ۋاقىتتا استانا قالاسىنداعى جامبىل, 2-الماتى جانە سەيفۋللين اتىنداعى كوشەلەردىڭ قيىلىسىندا ءبىر اۋىسىمدا 500 ەرەسەك ادامدارعا جانە 250 بالالارعا مەديتسينالىق قىزمەت كورسەتەتىن امبۋلاتوريالىق-ەمحانا كەشەنى پايدالانۋعا بەرىلەدى. بۇل ەمحانا كەشەنى سارىارقا اۋدانىنىڭ تۇرعىندارىنا ساپالى مەديتسينالىق قىزمەت كورسەتۋدى جاقسارتادى. جاڭا ەمحانا كەشەنى بۇگىنگى وسكەلەڭ تالاپتارعا جاۋاپ بەرەتىن وزىق مەديتسينالىق جابدىقتارمەن جاراقتاندىرىلعان. بۇگىندە امبۋلاتوريالىق-ەمحانالىق كەشەندى ءبىلىمدى دە بىلىكتى كادرلارمەن تولىقتىرۋ شارالارى ءجۇرىپ جاتىر.
نياز جىلقىباەۆ.