وزگە دە وزەكتى پروبلەمالار بىرلەسىپ, جەدەلدەتىپ شەشۋدى قاجەت ەتەدى
شىنى كەرەك, تامىز كونفەرەنتسياسى كوبىنە قول جەتكەن جەتىستىكتەرگە قۇرىلىپ, ونىڭ سوڭى ۇزدىكتەر مەن وزاتتاردى ماراپاتتاۋ سەكىلدى كوتەرىڭكى كوڭىل-كۇيمەن اياقتالىپ جاتاتىن. جاس ۇرپاققا ساپالى ءبىلىم, سانالى تاربيە بەرۋدى باستى مۇرات تۇتقان ۇستازدار قاۋىمىنىڭ بۇل جولعى باستى جيىنىندا داڭعازا سوزدەردەن گورى سىني پىكىرلەردىڭ كوبىرەك ايتىلىپ, باستى نازاردىڭ جەدەل شەشىمىن تاباتىن جايتتارعا اۋدارىلۋى قۇپتاۋعا تۇرارلىق.
وزگە دە وزەكتى پروبلەمالار بىرلەسىپ, جەدەلدەتىپ شەشۋدى قاجەت ەتەدى
شىنى كەرەك, تامىز كونفەرەنتسياسى كوبىنە قول جەتكەن جەتىستىكتەرگە قۇرىلىپ, ونىڭ سوڭى ۇزدىكتەر مەن وزاتتاردى ماراپاتتاۋ سەكىلدى كوتەرىڭكى كوڭىل-كۇيمەن اياقتالىپ جاتاتىن. جاس ۇرپاققا ساپالى ءبىلىم, سانالى تاربيە بەرۋدى باستى مۇرات تۇتقان ۇستازدار قاۋىمىنىڭ بۇل جولعى باستى جيىنىندا داڭعازا سوزدەردەن گورى سىني پىكىرلەردىڭ كوبىرەك ايتىلىپ, باستى نازاردىڭ جەدەل شەشىمىن تاباتىن جايتتارعا اۋدارىلۋى قۇپتاۋعا تۇرارلىق.سوندىقتان مەكتەپتەردەن ارنايى كەلگەن وكىلدەر ءۇشىن پايداسى كوبىرەك بولارى انىق. بالالار مەن جاسوسپىرىمدەر شىعارماشىلىعى ورتالىعىندا وتكەن پەداگوگتاردىڭ ءداستۇرلى تامىز كونفەرەنتسياسىنىڭ كۇن تارتىبىنە «ساپالى ءبىلىم مەن تاربيە بەرۋ – قازاقستاننىڭ مەملەكەتتىك ساياساتىنىڭ باسىمدىعى» تاقىرىبىنىڭ تاڭداپ الىنۋى تەكتەن-تەك بولماسا كەرەك. «قازاقستان-2050 ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىندا اتاپ كورسەتىلگەندەي قازىرگى الەمدە جاي عانا ساۋاتتى بولۋ جەتكىلىكسىز. ەڭ وزىق جابدىقتارمەن جانە ەڭ زاماناۋي وندىرىستەردە جۇمىس جاساۋ ماشىعىن مەڭگەرۋگە ءازىر بولۋ بۇگىنگى ۋاقىتتىڭ باستى تالابى ەكەنى ايتپاسا دا تۇسىنىكتى. بۇل ورايدا, ءبىلىم مەن كاسىبي ماشىقتى زاماناۋي ءبىلىم بەرۋ جۇيەسىنىڭ, كادر دايارلاۋ مەن قايتا دايارلاۋدىڭ باسىم باعدارى رەتىندە الا وتىرىپ, باسەكەگە قابىلەتتى, ساۋاتتىلىعى جوعارى ەلگە كوشۋ سەكىلدى اسقارالى مىندەتتەر تۇرعانىن ۇمىتپاعان ءجون. وبلىستىق ءبىلىم باسقارماسىنىڭ باسشىسى شولپان كارينوۆا جاڭا وقۋ جىلىندا اسا وزەكتى ماسەلەلەر قاتارىنا وقۋ ۇدەرىسىنە زاماناۋي تەحنولوگيالار مەن ادىستەمەلەردى ەنگىزۋدى, پەداگوگتاردىڭ كاسىپتىك شەبەرلىگىن جەتىلدىرۋدى, «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمدارىنىڭ تاجىريبەسىن وبلىس مەكتەپتەرىنە تاراتۋدى, 12 جىلدىق ءبىلىم بەرۋ جۇيەسىنە كوشۋگە ازىرلىكتى, دۋالدىق وقىتۋدى, ينكليۋزيۆتىك ءبىلىم بەرۋدى, ارناۋلى وقۋ ورىندارىنىڭ كاسىپكەرلىككە لايىقتالعان وقۋ باعدارلامالارىن تاجىريبەمەن ۇيلەستىرۋدى اتادى. ءبىز ءتيىستى ورىندار تاراپىنان اتقارىلىپ جاتقان جۇمىستاردان گورى ىشكى پروبلەمالارعا ءۇڭىلىپ كورۋدى ءجون كوردىك. ويتكەنى, جالپى ءبىلىم بەرۋ جۇيەسىنىڭ الدىندا 12 جىلدىق ءبىلىم بەرۋ ۇلگىسىنە كوشۋ تالاپتارى تۇر. 2015 جىلى وعان بىرتىندەپ كوشۋدىڭ العاشقى ساتىسى سانالسا, 102 جالپى ءبىلىم بەرەتىن مەكتەپ بەيىندى وقىتۋ, 14 مەكتەپ تىرەك مەكتەپتەر رەجىمىندە جۇمىس ىستەيدى. الايدا, 905 جاڭا ۇلگىدەگى كابينەت بار دەپ ەسەپتەلسە, حيميا, بيولوگيا كابينەتتەرى – 35, فيزيكا, لينگوفوندى-مۋلتيمەديالىق كابينەتتەر 55 پايىزدى عانا قۇرايدى. دەمەك, ماتەريالدىق-تەحنيكالىق بازالاردى تۇبەگەيلى جاڭارتۋ ارقىلى عانا وقۋشىلاردى وقىتۋ مەن تاربيەلەۋ ادىستەمەلەرىنىڭ يننوۆاتسيالىق ءبىلىم بەرۋ تەحنولوگيالارىن يگەرە الارى داۋسىز. 2013-2014 وقۋ جىلىندا جالپى ءبىلىم بەرۋ مەكەمەلەرى جاڭا مەملەكەتتىك جالپىعا مىندەتتى باستاۋىش, نەگىزگى ورتا جانە جالپى ورتا ءبىلىم بەرۋ ستاندارتى بويىنشا جۇمىس ىستەۋگە كوشۋىنىڭ, بيىلدان باستاپ 1-سىنىپتان اعىلشىن ءتىلىنىڭ, 5-سىنىپتان ينفورماتيكانىڭ ەنگىزىلۋى, «ولكەتانۋ», «الاشتانۋ», «ابايتانۋ» كۋرستارىنىڭ ۇسىنىلۋى دا جان-جاقتى دايىندىقتى قاجەت ەتەرى انىق.
«بالاپان» باعدارلاماسى قولعا الىنعالى 8699 جاڭا ورىن اشىلدى. بۇگىنگى تاڭدا بالدىرعانداردى مەكتەپكە دەيىنگى مەكەمەمەن قامتۋ 3 پەن 6 جاستاعىلار بويىنشا 88,6, 1 مەن 6 جاستاعىلار بويىنشا 64,1 پايىزدى قۇراعانىمەن, ءتۇيىندى ماسەلەلەر ءالى دە جەتىپ ارتىلادى. ولاردىڭ بىرقاتارىن وبلىس اكىمى سامات ەسكەندىروۆ اتاپ بەردى. مەملەكەت-جەكە مەنشىك سەرىكتەستىگىنىڭ الەۋەتىن بەلسەندى پايدالانباۋ سالدارىنان ع.مۇسىرەپوۆ, شال اقىن اۋداندارىندا قيمىل سىلبىر. پەتروپاۆل قالاسىندا بالاباقشالارعا كەزەككە تۇرۋشىلار سانى ازايار ەمەس. مامليۋت اۋدانىنا قاراستى «مامبەتوۆ جانە ك» كومانديتتىك سەرىكتەستىگى (باس ديرەكتور ەركەبۇلان مامبەتوۆ) ەكى قاباتتى عيماراتتى بالاباقشا رەتىندە سىيعا تارتقان. وكىنىشتىسى سول, مۇنداي مىسالدار ىلۋدە بىرەۋ عانا. بۇل ماقساتقا «بيزنەستىڭ جول كارتاسى-2020» باعدارلاماسى دا ءتيىمدى باعىتتالماعانى ويلاندىرماي قويمايدى.
وبلىستا 18 جاسقا دەيىنگى 5,1 مىڭ مۇمكىندىگى شەكتەۋلى بالا ەسەپتە تۇر. ولار الەۋەتتىك مۇمكىندىكتەرىنە قاراي ارنايى كوررەكتسيالىق-پەداگوگيكالىق قولداۋعا يە. ولاردىڭ مەديتسينالىق-پە