ادامنىڭ نەگىزگى قۇندىلىعى – ءبىلىم, ال ءبىلىمدى ۇرپاق ۇلت بايلىعى ەكەنى بارىڭىزگە بەلگىلى. «ءبىلىمسىز حالىق قانشا باي بولسا دا, بايلىعى باسقا حالىقتىڭ قولىنا كوشەدى», دەپ الاش كوسەمى احمەت بايتۇرسىن ۇلىنىڭ بىلىكتىلىكپەن ايتقان ءسوزى بۇگىنگى تاڭدا دا ءوزىنىڭ ءمانىن جوعالتقان جوق. ەلىمىزدىڭ ەرتەڭگى تىزگىنىن ۇستار, وتانىن عالامدىق دامۋدىڭ كوشىنەن قالدىرماي ورگە شىعارار ازامات تاربيەلەۋ سالاسىندا ۇستازدارعا اسا جاۋاپتى قوعامدىق مىندەت جۇكتەلگەن. قازاقستان رەسپۋبليكاسىنىڭ پرەزيدەنتى ن.نازارباەۆتىڭ: «ەلىمىزدىڭ ەرتەڭى بۇگىنگى جاستاردىڭ قولىندا, ال جاس ۇرپاقتىڭ تاعدىرى ۇستازدىڭ قولىندا», – دەگەن ءسوزى ءبىلىم ساپاسىن ارتتىرۋ ءۇشىن ءاربىر مۇعالىم جاۋاپتى دەگەندى بىلدىرەدى. وسى جاۋاپكەرشىلىكتى جان-تاندەرىمەن سەزىنىپ, جاڭا زاماننىڭ اۋىر جۇگىن قايىسپاي, جۇمىلا كوتەرگەن جۇكتىڭ جەڭىل ەكەنىن سەزىنە بىلگەن ىزگىلىك ۇياسىنىڭ ءبىرى – نۇرتاس وڭداسىنوۆ اتىنداعى تۇركىستان ايماقتىق «دارىن» مەكتەپ-ينتەرناتى.
ادامنىڭ نەگىزگى قۇندىلىعى – ءبىلىم, ال ءبىلىمدى ۇرپاق ۇلت بايلىعى ەكەنى بارىڭىزگە بەلگىلى. «ءبىلىمسىز حالىق قانشا باي بولسا دا, بايلىعى باسقا حالىقتىڭ قولىنا كوشەدى», دەپ الاش كوسەمى احمەت بايتۇرسىن ۇلىنىڭ بىلىكتىلىكپەن ايتقان ءسوزى بۇگىنگى تاڭدا دا ءوزىنىڭ ءمانىن جوعالتقان جوق. ەلىمىزدىڭ ەرتەڭگى تىزگىنىن ۇستار, وتانىن عالامدىق دامۋدىڭ كوشىنەن قالدىرماي ورگە شىعارار ازامات تاربيەلەۋ سالاسىندا ۇستازدارعا اسا جاۋاپتى قوعامدىق مىندەت جۇكتەلگەن. قازاقستان رەسپۋبليكاسىنىڭ پرەزيدەنتى ن.نازارباەۆتىڭ: «ەلىمىزدىڭ ەرتەڭى بۇگىنگى جاستاردىڭ قولىندا, ال جاس ۇرپاقتىڭ تاعدىرى ۇستازدىڭ قولىندا», – دەگەن ءسوزى ءبىلىم ساپاسىن ارتتىرۋ ءۇشىن ءاربىر مۇعالىم جاۋاپتى دەگەندى بىلدىرەدى. وسى جاۋاپكەرشىلىكتى جان-تاندەرىمەن سەزىنىپ, جاڭا زاماننىڭ اۋىر جۇگىن قايىسپاي, جۇمىلا كوتەرگەن جۇكتىڭ جەڭىل ەكەنىن سەزىنە بىلگەن ىزگىلىك ۇياسىنىڭ ءبىرى – نۇرتاس وڭداسىنوۆ اتىنداعى تۇركىستان ايماقتىق «دارىن» مەكتەپ-ينتەرناتى.
2002 جىلى ءوز الدىنا ورتا ءبىلىم بەرەتىن وقۋ ورنى بولىپ قۇرىلعان مەكتەبىمىز قازىر رەسپۋبليكامىزداعى ىرگەلى دە وزىق ءبىلىم وردالارىنىڭ بىرىنە اينالىپ, جاڭا مازمۇندى وقىتۋ جۇيەسىمەن كوزگە تۇسۋدە. عيماراتسىز قيىن-قىستاۋ كەزەڭدە دە مەكتەبىمىزدىڭ حالىقتىڭ رۋحاني ازىعى مەن ءبىلىم ورداسىنا اينالعانى اقيقات. وقۋ ورنىنىڭ بۇگىنگى ايناداي كەلبەتىن مەكتەپ باسشىلارىنان باستاپ ءاربىر ۇجىم مۇشەلەرىنىڭ قايراتكەرلىك كەلبەتىمەن بايلانىستىرۋعا بولادى. ساپالى ءبىلىم بەرۋ ماقساتىندا وقۋ-تاربيە جۇمىسىنىڭ قازىرگى زامانعى ديداكتيكالىق تالاپقا ساي بولۋى ءۇشىن جاڭا ءادىس-تاسىلدەر پايدالانىلادى. وقۋ-تاربيە جۇمىسىندا جيناقتاعان تاجىريبەگە سۇيەنە وتىرىپ دارىندى دا قابىلەتتى, وقۋعا ىقىلاستى دا ىنتالى وقۋشىلاردىڭ كونتينگەنتى جيناقتالدى. تابيعي بولمىسىنا سايكەس گۋمانيتارلىق جانە جاراتىلىستانۋ پاندەرىن تەرەڭدەتىپ وقىتۋعا باعىتتالعان سىنىپتار قۇرىلدى. رەسپۋبليكالىق ۇزدىك مەكتەپتەر پانوراماسى بايقاۋىندا مەكتەبىمىز 2009 جىلى رەسپۋبليكا بويىنشا «ەڭ جاڭاشىل مەكتەپ» نوميناتسياسىن يەلەنسە, بىرلىگى جاراسقان ۇجىم مۇشەلەرىنىڭ قاجىرلى ەڭبەگىنىڭ ارقاسىندا 2012 جىلى وڭتۇستىك قازاقستان وبلىسى بويىنشا «ۇزدىك مەكتەپ» نوميناتسياسىن جەڭىپ الدى. بۇل – مەكتەپ ۇجىمىنىڭ ەڭبەگىنە بەرىلگەن ءادىل دە ناقتى باعا دەپ ەسەپتەيمىن.
2002 جىلى ءوزىنىڭ العاشقى شاكىرتتەرىنە ەسىگىن اشقان تۇركىستان ايماقتىق «دارىن» مەكتەبىنىڭ بۇگىنگى جاعدايى ەل سۇيسىنەرلىكتەي. «كوش جۇرە تۇزەلەدى» دەمەكشى, مەكتەپ اشىلعاندا ءوزىنىڭ ارنايى وقۋ عيماراتى دا بولماعان, ماتەريالدىق بازاسى جوق مەكتەپتىڭ قازىرگى تاڭدا ەكى قاباتتى 320 ورىندىق وقۋ عيماراتى, 150 ورىندىق اسحانا, 150 ورىندىق جاتاقحانا, 120 ورىندىق ءماجىلىس زالى, كىتاپحانا, سپورت زالى, 2 مۋلتيمەديا كابينەتى, وقۋشىلار ءبىلىمىن تالداۋ-ساراپتاۋ ورتالىعى جانە جابدىقتالعان 12 پاندىك كابينەت, سونىڭ ىشىندە جاڭا موديفيكاتسيادا جابدىقتالعان فيزيكا, حيميا, بيولوگيا كابينەتتەرى, 3 كومپيۋتەر سىنىبى, 5 ينتەربەلسەندى تاقتاسى بار وقۋ بولمەلەرى, فيزيكا, حيميا, بيولوگيا زەرتحانالارى, ۆولەيبول, باسكەتبول, فۋتبول, شاحمات, دويبى جانە العاشقى اسكەري دايىندىق الاڭدارى, «اتامەكەن» تاريحي-ەتنوگرافيالىق, «گەومەتريا» جانە «پيراميدا» ماتەماتيكا جانە «گلوبۋس» گەوگرافيا وقۋ الاڭدارى, «وركەن» بيولوگيالىق وقۋ-تاجىريبە الاڭى, «جىلدىڭ ەڭ ۇزدىك ۇستازى مەن شاكىرتى» تۇعىرى, «بىتىرۋشىلەر», «تاۋەلسىزدىك» ساياباقتارى, «كۇلتەگىن» ەسكەرتكىشى, «بايتەرەك» سۋبۇرقاعى, «اباي اۋىلى», «الەمنىڭ جەتى كەرەمەتى» الاڭى, بەلگىلى مەملەكەت جانە قوعام قايراتكەرى, لينگۆيست-عالىم ن.وڭداسىنوۆقا ارنالعان بۇرىشى بار, قورىتا ايتقاندا, وقۋشىلاردىڭ ساپالى دا تەرەڭ ءبىلىم الۋى مەن دەمالۋىنا بارلىق جاعدايلار جاسالىنعان ۇلگىلى ءبىلىم ورداسىنا اينالدى.
مەكتەپ-ينتەرناتتا وقۋشىلارعا ءبىلىم بەرۋ جاراتىلىستانۋ-ماتەماتيكا باعىتىندا جۇرگىزىلەدى. مەكتەپتە قازىرگى زامان