بۇگىندە وبلىس جۇرتشىلىعىنىڭ تورتتەن ءبىرى سپورت جانە دەنە شىنىقتىرۋمەن تۇراقتى اينالىسىپ, سالاماتتى ءومىر سالتىن سەرىك ەتكەن. ولاردىڭ اراسىندا قىزىلجار ءوڭىرىنىڭ 295 ايتۋلى سپورتشىسى ۇلتتىق قۇراما ساپىندا ەل نامىسىن قورعاپ, بايراقتى باسەكەلەردە 200-دەن استام مەدال ەنشىلەگەن.
بۇگىندە وبلىس جۇرتشىلىعىنىڭ تورتتەن ءبىرى سپورت جانە دەنە شىنىقتىرۋمەن تۇراقتى اينالىسىپ, سالاماتتى ءومىر سالتىن سەرىك ەتكەن. ولاردىڭ اراسىندا قىزىلجار ءوڭىرىنىڭ 295 ايتۋلى سپورتشىسى ۇلتتىق قۇراما ساپىندا ەل نامىسىن قورعاپ, بايراقتى باسەكەلەردە 200-دەن استام مەدال ەنشىلەگەن.بيىل مۇمكىندىگى شەكتەۋلى ادامدار ءۇشىن «ءۇمىت» ارنايى كلۋب جانە لوندون جازعى وليمپياداسىنىڭ چەمپيونى الەكساندر ۆينوكۋروۆ اتىنداعى ۆەلوكلۋب عيماراتتارى پايدالانۋعا بەرىلدى. ەندى 1 مىڭ ورىندى مۇز ايدىنى مەن جەڭىل اتلەتيكا مانەجى بار سپورت كەشەنىن سالۋ كوزدەلىپ وتىر.
ءوڭىر باسشىسى سامات ەسكەندىروۆ سپورت سالاسىن دامىتۋعا زور ۇلەس قوسىپ جۇرگەن ءبىر توپ جەرلەستەرىمىزدى قابىلداپ, ءتۇرلى سىي-سياپات كورسەتتى. سولاردىڭ ءبىرى –ۆەلوسپورتتان الەم چەمپيونى الەكسەي لۋتسەنكونىڭ جاتتىقتىرۋشىسى, سپورتقا دارىندى بالالارعا مامانداندىرىلعان مەكتەپ-ينتەرناتتاعى ۆەلوسپورت بولىمشەسىنىڭ اعا جاتتىقتىرۋشىسى ۆيكتور پوتاپوۆقا جانە ا. ۆينوكۋروۆتىڭ جەكە جاتتىقتىرۋشىسى, ونىڭ اتىنداعى ۆەلوسپورت كلۋبىنىڭ ديرەكتورى سەرگەي كرۋچيناعا سۋ جاڭا «Skoda Octavia» جەڭىل كولىگىنىڭ كىلتتەرىن سالتاناتتى تۇردە تابىس ەتتى. «ءۇمىت» كلۋبىنىڭ ديرەكتورى ۆياچەسلاۆ لاتىشەۆ ارنايى جابدىقتالعان «گازەل» اۆتوكولىگىنە يە بولدى.
ءومىر ەسقالي,
«ەگەمەن قازاقستان».