«جۇرگەن اياققا جورگەم ىلىگەدى» دەگەندەي, ءجۇرىپ-تۇرىسى كوپ جۋرناليستىك جۇمىستىڭ كورمەستى كورىپ, بىلمەستى ءبىلىپ, ءتىپتى, ايتپاستى ايتىپ قوياتىن اساۋلىعى بار. بۇل بىرەۋگە ۇنار, بىرەۋگە ۇناماس, بىراق ءبىزدىڭ ماقسات – باسقانى مۇقاتۋ ەمەس, جاقسىلىققا جارشى, جەتپەسكە جاناشىر بولۋ, كەمشىلىك تۇزەلسە ەكەن دەگەن نيەت. قالامەن قاناتتاس قونىستانعان مۇنايلى اۋدانىندا مەكتەپ جەتىسپەۋشىلىگى سالدارىنان 7000-نان استام وقۋشىنىڭ اۆتوبۋستارعا ۇيمە-جۇيمە تيەلىپ اقتاۋعا تاسىمالداناتىنى, ونداعى ورىن الاتىن كەلەڭسىزدىكتەر, اۋدانداعى مەكتەپتەر احۋالى تۋرالى «اۆتوبۋستا ءوتىپ جاتقان وقۋشىلىق عۇمىر» تاقىرىبىندا جازعان ماقالا «ەگەمەن قازاقستان» گازەتىنىڭ بيىلعى ناۋرىزدىڭ 6-سىنداعى سانىندا جارىق كورگەن بولاتىن.
«جۇرگەن اياققا جورگەم ىلىگەدى» دەگەندەي, ءجۇرىپ-تۇرىسى كوپ جۋرناليستىك جۇمىستىڭ كورمەستى كورىپ, بىلمەستى ءبىلىپ, ءتىپتى, ايتپاستى ايتىپ قوياتىن اساۋلىعى بار. بۇل بىرەۋگە ۇنار, بىرەۋگە ۇناماس, بىراق ءبىزدىڭ ماقسات – باسقانى مۇقاتۋ ەمەس, جاقسىلىققا جارشى, جەتپەسكە جاناشىر بولۋ, كەمشىلىك تۇزەلسە ەكەن دەگەن نيەت. قالامەن قاناتتاس قونىستانعان مۇنايلى اۋدانىندا مەكتەپ جەتىسپەۋشىلىگى سالدارىنان 7000-نان استام وقۋشىنىڭ اۆتوبۋستارعا ۇيمە-جۇيمە تيەلىپ اقتاۋعا تاسىمالداناتىنى, ونداعى ورىن الاتىن كەلەڭسىزدىكتەر, اۋدانداعى مەكتەپتەر احۋالى تۋرالى «اۆتوبۋستا ءوتىپ جاتقان وقۋشىلىق عۇمىر» تاقىرىبىندا جازعان ماقالا «ەگەمەن قازاقستان» گازەتىنىڭ بيىلعى ناۋرىزدىڭ 6-سىنداعى سانىندا جارىق كورگەن بولاتىن.
ەندى مۇنايلى اۋدانىنداعى مەكتەپكە قاتىستى مۇڭ ءبىراز سەيىلەدى دەۋگە بولادى. 2011-2012 جىلدارى تەك جاڭا ءبىر مەكتەپكە عانا قول جەتكىزگەن اۋداندا بيىل ءتورت مەكتەپ ەسىك اشقالى تۇر. ونىڭ ۇشەۋى جاڭادان اشىلسا, بىرەۋى ەسكى مەكتەپ عيماراتىن سىيىمدىلىعى جاعىنان ەداۋىر ۇلكەندىككە يە جاڭامەن اۋىستىرۋ ارقىلى جۇزەگە اسپاق.
جەر قويناۋىن پايدالانۋشىلار ەسەبىنەن ماڭعىستاۋ-4 تۇرعىن ءۇي ماسسيۆىندە 1200 ورىندىق, رەسپۋبليكالىق جانە جەرگىلىكتى بيۋدجەت قارجىسىنا ماڭعىستاۋ-5 ءماسسيۆى مەن باياندى, باسقۇدىق سەلولارىندا ارقايسىسى 960 ورىندىق مەكتەپتەر بيىلعى وقۋ جىلىنان باستاپ پايدالانۋعا بەرىلمەك. تاعى ءبىر جاڭالىق, ءتورت مەكتەپتىڭ اشىلۋى اۋدانداعى ءۇش اۋىسىممەن وقىتۋ ءۇردىسىن جوياتىندىعى. ال, تاسىمال تۇبەگەيلى توقتاماعانمەن, جارتىلاي ەڭسەرىلەتىندىگى قۋانتادى.
– ماڭعىستاۋ-3,4,5 تۇرعىن ءۇي ماسسيۆتەرىنەن اۋداننىڭ وزگە مەكتەپتەرىنە, سونداي-اق باسقۇدىقتان اقتاۋ قالاسىنىڭ مەكتەپتەرىنە وقۋشى تاسىمالداپ وقىتۋ توقتايدى. جاڭا وقۋ جىلىندا تەك اۋدان ىشىندە جانە وبلىس ورتالىعىنا 3000-عا تارتا بالا قاتىناپ وقيتىن بولادى. الدىمىزدا جوسپاردا تۇرعان وزگە دە مەكتەپ قۇرىلىستارى بار, دەيدى مۇنايلى اۋداندىق ءبىلىم ءبولىمىنىڭ سەكتور مەڭگەرۋشىسى گ.مۇراداليەۆا.
جوسپاردا تۇرعان مەكتەپتىڭ ءبىرى جىل سوڭىندا باتىر سەلوسىنان اشىلادى. بۇگىندە 100-گە تارتا بالاسى اقتاۋ مەكتەپتەرىنە تاسىلىپ جۇرگەن اۋىلدا 960 ورىندىق مەكتەپ قۇرىلىسى نوبايلاپ قالعان. ەندى جىل سوڭىنان باستاپ باتىرلىق وسى 100 بالا مەكتەپتەن كەتكەن ەسەنى قايتارعانداي بوپ, قاشان اۋىلعا جاڭا قونىستانۋشىلار كوشىپ كەپ, بالا سانى تولىققانشا 960 ورىندىق مەكتەپتى ەمىن-ەركىن جايلاماق. ال بالا سانى كوپ, بىراق مەكتەبى تارشىلىق ەتىپ تۇرعان اتامەكەندە 2015 جىلى, 960 بالاعا لايىقتاپ بيىل اشىلاتىن مەكتەپتە 2300 بالا سەلبەسىپ وقۋعا ءماجبۇر باسقۇدىقتا 2016-2017 جىلدارى 640 بالا ءۇشىن مەكتەپ سالىنادى. دەمەك, باسقۇدىقتاعى قالعان مىڭعا جۋىق بالانىڭ تاسىمالدان قۇتىلۋ تاعدىرىن ازىرگە سول جىلداردىڭ ارعى جاعىنان ىزدەۋ قاجەت.
وسىلايشا, بۇل وقۋ جىلى مۇنايلى اۋدانىنىڭ تۇرعىندارى ءۇشىن «اسپاننان مەكتەپ جاۋعان جىل» بولدى. تاسىمالدان ىعىر بولعان بالالاردىڭ تەڭ جارتىسى بۇل قامىتتان قۇتىلعانمەن, قالعان بولىگىنە سول كەپەشتى كيە تۇرۋعا تۋرا كەلەدى. بىراق, ءبىر وقۋ جىلىندا ءتورت مەكتەپتىڭ اشىلۋى – ايتۋعا تۇرارلىق جاڭالىق.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.