قازىر قوستانايدا «بيزنەستىڭ جول كارتاسى-2020» مەملەكەتتىك باعدارلاماسى بويىنشا نەسيە الۋشىلار سانى ارتتى. وسى باعدارلامانىڭ دۇرىستىعىنا كاسىپكەرلەردىڭ, بيزنەس اۋىلىنا ەندى كەلىپ, ءوز باعىن سىناپ كورىپ وتىرعانداردىڭ كوزى ابدەن جەتكەن. جالقاۋلىق جەلكەسىنەن تارتپاعان ادامعا جۇمىس كوپ. اسىرەسە, ءىستىڭ ىڭعايىن ءبىلىپ, كوزىن تاباتىن جاندارعا قولتىقتان دەمەپ جىبەرەتىن قارجى بولسا, ءىس دوڭنەن تومەن سىرعىعان دوڭعالاقتاي ءجۇرىپ كەتەدى.
قازىر قوستانايدا «بيزنەستىڭ جول كارتاسى-2020» مەملەكەتتىك باعدارلاماسى بويىنشا نەسيە الۋشىلار سانى ارتتى. وسى باعدارلامانىڭ دۇرىستىعىنا كاسىپكەرلەردىڭ, بيزنەس اۋىلىنا ەندى كەلىپ, ءوز باعىن سىناپ كورىپ وتىرعانداردىڭ كوزى ابدەن جەتكەن. جالقاۋلىق جەلكەسىنەن تارتپاعان ادامعا جۇمىس كوپ. اسىرەسە, ءىستىڭ ىڭعايىن ءبىلىپ, كوزىن تاباتىن جاندارعا قولتىقتان دەمەپ جىبەرەتىن قارجى بولسا, ءىس دوڭنەن تومەن سىرعىعان دوڭعالاقتاي ءجۇرىپ كەتەدى.
«ارۋانا» جاۋاپكەرشىلىگى شەكتەۋلى سەرىكتەستىگىن ۇيىمداستىرعان جىگىتتەر بيدايدان ۇن تارتۋدى ماقسات ەتكەن بولاتىن. كاسىپورىن ديرەكتورى سايلاۋبەك الىشەۆكە بۇل وڭاي شاعىلا سالاتىن جاڭعاق ەمەستىگى بەسەنەدەن بەلگىلى ەدى. سەبەبى, ۇن ساپالى شىعۋ ءۇشىن بۇرىنعىداي ەمەس, زاماناۋي تەحنيكاسى, تەحنولوگياسى بار ديىرمەن قاجەت. بۇرناعىراقتا قوستانايدا قادام باسقان سايىن شاعىن ديىرمەندەر كوبەيگەن ەدى. ولاردىڭ بارلىعى دا قولعا تۇسكەن بيدايدى ديىرمەنگە جۋماي سالادى. ودان شىققان ۇننان پىسىرىلگەن نان ساقتاۋعا كەلمەي, ەكى كۇندە اراسى ءجيدىپ كەتەتىن دە, سانيتارلىق دارىگەرلەردىڭ شۋى باسىلمايتىن. ەندى «ارۋانا» كاسىپورنى شىعارعان ۇننىڭ ساپاسى مۇنىڭ بارلىعىنا توسقاۋىل قويدى. سايلاۋبەك الىشەۆتىڭ ديىرمەنىندە ءاۋ باستا 35 ادام جۇمىس ىستەيتىن. ول «بيزنەستىڭ جول كارتاسى-2020» باعدارلاماسى بويىنشا العان 200 ميلليون تەڭگە نەسيەگە ساپالى ۇن شىعاراتىن شەتەلدىك زاماناۋي تەحنيكا العان سوڭ, كاسىپورىننىڭ قۋاتى ارتتى دا, قازىر 70 ادامعا جۇمىس بەرىپ وتىر. قازىر ديىرمەن تاۋلىگىنە 300 توننا ۇن تارتادى.
– «اس اتاسى – نان» دەيدى عوي. ۇن ىشكى نارىقتا جاقسى وتەدى. سونىمەن قاتار تاجىكستانعا, وزبەكستانعا, قىرعىزستانعا ۇن ارتامىز. ءبىزدىڭ ۇننىڭ ساپاسى ءونىمنىڭ قاي نارىقتا دا وتىمدىلىگىن قامتاماسىز ەتەدى. «بيزنەستىڭ جول كارتاسى-2020» باعدارلاماسىنىڭ ارقاسىندا كاسىبىمىز جاقسى ءجۇرىپ كەتتى. ەندى بيداي ساقتايتىن ەلەۆاتور قۇرىلىسى دا وسى باعدارلاما بويىنشا بولىنگەن قارجىعا جۇرگىزىلۋدە, – دەيدى «ارۋانا» جاۋاپكەرشىلىگى شەكتەۋلى سەرىكتەستىگىنىڭ ديرەكتورى سايلاۋبەك الىشەۆ.
قازىر قوستانايدا سايلاۋبەك سياقتى وسى باعدارلاماعا سۇيەنەتىندەر سانى كۇرت ارتقان. 2010 جىلى ءبىز ءسوز ەتىپ وتىرعان باعدارلاما بويىنشا قارجى يگەرىلمەي قالعان بولاتىن. ول كەزدە كاسىپكەرلەر ونى ءتۇسىنىپ, ەستىپ ۇلگەرە الماعانداي ەدى. ەندى كوپتەگەن كاسىپكەرلەر ءوز ءىسىنىڭ العا جىلجۋىنا ناق وسى باعدارلاما قارجىسى مۇرىندىق بولاتىنىنا سەنىمدى. قارجى سۇراعانداردىڭ تىم كوپتىگىنە بايلانىستى كاسىپكەرلىكتىڭ كەيبىر باعىتتارى بويىنشا وتىنىشتەر قابىلداۋ توقتاتىلدى.
بۇگىندە ءوز ءىسىن اشقىسى كەلەتىندەر كوپ. «بيزنەستىڭ جول كارتاسى-2020» باعدارلاماسى ارقىلى كاسىپكەرلىك جولعا تۇسكەننىڭ ءبىرى عابيت شوجانوۆ. ىزدەنسە, ىقىلاس بولسا تىعىرىقتان جول تابۋعا, مۇمكىندىك جاساۋعا بولادى ەكەن. عابيت وتكەن جىلى وسى باعدارلاما ارقىلى ءبىر ميلليون تەڭگە گرانتقا قول جەتكىزگەن بولاتىن. ونىڭ بيزنەس جوسپارى ساراپشىلارعا ۇنادى. جاز ايلارىندا قالادا دا, دالادا دا قۇرىلىس قىزۋ ءجۇرىپ جاتىر. ال قۇرىلىسقا ماتەريالدىڭ بارلىعى دا كەرەك. ول جىلۋ جىبەرمەيتىن كوبىك جاساۋدى قولعا الىپ كورگىسى كەلگەن. ىزدەنىپ ەدى, قولدان كەلەدى ەكەن.
– باعىتىمنىڭ دۇرىس ەكەنىنە كوزىم جەتتى. قازىر جۇمىس كولەمى اسا كوپ دەپ ايتا المايمىن, جەكە قۇرىلىستارعا, كوتتەدجدەر مەن شاعىن ءۇي سالعاندارعا قىزمەت كورسەتىپ ءجۇرمىز. الداعى ۋاقىتتا قارجى بولسا جۇمىس اۋقىمىن مىندەتتى ءتۇردە كەڭەيتەمىز, – دەيدى «شوجانوۆ» كاسىپورنىنىڭ ديرەكتورى عابيت شوجانوۆ.
ول ەندى مەملەكەتتىك ساتىپ الۋعا قاتىسقالى وتىر. بيىل تەك عابيت قانا ەمەس, گرانتتىق قارجىلاندىرۋ ءۇشىن قوستانايلىقتارعا 105 ميلليون تەڭگە بەرىلدى. تاعى دا قارالىپ جاتقان وتىنىشتەر سانى دا از ەمەس, بىراق قارجىنى بەرۋ شارتىنا وزگەرىستەر ەنگىزىلدى.
– بۇرىن گرانتتىق قارجىلاندىرۋدا دا, نەسيە بەرۋدە دە ەشقانداي شەكتەۋلەر بولمايتىن. دەگەنمەن, مەملەكەت قازىناسى ساۋىن سيىر ەمەس قوي, بەرگەن قارجىنىڭ قايتارىمى بولۋى ءتيىس. وسىعان بايلانىستى ەندى ءتيىمدى باعىتتار عانا تاڭدالادى. مىسالى, ساۋدا سالاسىنا بۇل باعدارلاما بويىنشا جەڭىلدىك نەسيە بەرىلمەيتىن بولدى. بيزنەس جوسپارى س