قازاقستان رەسپۋبليكاسىنىڭ دەلەگاتسياسى وپەك-كە مۇشە جانە مۇشە ەمەس مەملەكەتتەردىڭ مينيسترلەر جينالىسىنىڭ كەڭەسىنە كىردى. «قازاقستان وپەك + مەملەكەتتەرىمەن بىرگە الەمدىك مۇناي نارىعىن تۇراقتاندىرۋ ساياساتىن ۇستانادى» دەپ حابارلايدى ەنەرگەتيكا مينيسترلىگىنىڭ ءباسپاسوز قىزمەتى.
اپتا باسىندا قازاقستاندىق دەلەگاتسيا قاتىسقان وپەك + مينيسترلەردىڭ بىرلەسكەن باقىلاۋ كوميتەتىنىڭ 18-وتىرىسىندا الەمدىك مۇناي نارىعىن تۇراقتاندىرۋ بويىنشا ءتيىستى ۇسىنىستار جاسادى.
سونداي-اق قازاقستان رەسپۋبليكاسىنىڭ دەلەگاتسياسى وپەك-كە مۇشە جانە وپەك-كە مۇشە ەمەس ەلدەر مينيسترلەرىنىڭ 8-وتىرىسىنا قاتىستى.
وتىرىسقا قاتىسۋشىلار الەمدىك مۇناي نارىعىن تۇراقتاندىرۋعا باعىتتالعان بىرلەسكەن شارالاردى تالقىلادى. كەزدەسۋ قورىتىندىلارى بويىنشا كەلىسىم تاراپتارى ءوزارا ءتيىمدى ىنتىماقتاستىق بويىنشا كونسۋلتاتسيالاردى جالعاستىرۋعا شەشىم قابىلدادى.
ەستەرىڭىزگە سالا كەتەيىك, وپەك + مۇشە ەلدەردىڭ قولدانىستاعى كەلىسىمىندە وسى جىلدىڭ 1-ءشى توقسانىنىڭ اياعىنا دەيىن وپەك + ەلدەرىنىڭ مۇناي ءوندىرىسىنىڭ تاۋلىگىنە 1,7 ملن باررەلگە تومەندەۋى ايتىلعان. سونىمەن بىرگە قازاقستاننىڭ 2018 جىلدىڭ جەلتوقسانىندا قابىلدانعان كەلىسىم بويىنشا تاۋلىگىنە 1,843 ملن باررەلدى قۇرايدى.
ايتا كەتۋ كەرەك, قولدانىستاعى كەلىسىمنىڭ 13 ايىنىڭ قورىتىندىسى بويىنشا (2019 جىلدىڭ قاڭتارى - 2020 جىلدىڭ قاڭتارى) قازاقستان ءوز مىندەتتەمەلەرىن ورىندادى.
الماتى