بۇگىن الماتىدا «قازاقستان ليفت سالاسىنىڭ ترانسفورماتسياسى. دامۋ كەلەشەگى مەن سىن-تەگەۋرىندەر» تاقىرىبىندا دوڭگەلەك ۇستەل ءوتتى.
ءىس-شارانى يندۋستريا جانە ينفراقۇرىلىمدىق دامۋ مينيسترلىگىنىڭ قولداۋىمەن «قازاقستان ۇلتتىق ليفتىشىلەر قاۋىمداستىعى» زتب ۇيىمداستىردى.
2012 جىلدان باستاپ قازاقستان ليفت سالاسىندا ليتسەنزيالاۋ الىنىپ تاستالىپ, ليفت شارۋاشىلىعىن ءدىرىل قاعىپ, نارىقتا الاقول قىزمەت كورسەتۋشى كومپانيالار, ليفت جابدىعىن جەتكىزۋشىلەر پايدا بولدى, ليفتەردەگى توتەنشە جاعدايلار سانى ارتتى. 2018 جىلدىڭ ساۋىرىندە اقتوبە قالاسىندا قىزمەت كورسەتۋشى كومپانيا قىزمەتكەرلەرىنىڭ نەمقۇرايلىعى سەبەپتى جاس قىز مەرت بولدى.
يندۋستريا جانە ينفراقۇرىلىمدىق دامۋ مينيسترلىگىنىڭ باستاماسى بويىنشا قاۋىمداستىقپەن بىرلەسە وتىرىپ, «ليفتەر, ەسكالاتورلار, تراۆولاتورلار جانە مۇمكىندىگى شەكتەۋلى تۇلعالارعا ارنالعان كوتەرگىشتەر. جەتكىزۋ, ورناتۋ جانە پايدالانۋعا قاتىستى تالاپتار» اتتى ۇلتتىق ستاندارت دايىندالدى. بيىل كۇشىنە ەنگەن «تۇرعىن ءۇي قاتىناستارى تۋرالى» زاڭعا جانە «ازاماتتاردى قورعاۋ تۋرالى» زاڭعا ەنگىزىلگەن تۇزەتۋلەرگە سايكەس بۇل ستاندارتتاردى ليفت نارىعىنا قاتىسۋشىلاردىڭ بارلىعى ورىنداۋعا مىندەتتى.
يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆتىڭ ليفت سالاسىنداعى ماسەلەلەرگە تىكەلەي كوڭىل ءبولۋى ارقاسىندا قازاقستاندا ليفت سالاسىنىڭ دامۋى قارقىن الىپ جاتىر. بۇل وزگەرىستەر يندۋستريا جانە ينفراقۇرىلىمدىق دامۋ مينيسترلىگىنىڭ جاقىندا ليفت سالاسىن دامىتۋ جونىندەگى جول كارتاسىن قابىلداۋىمەن بايلانىستى. بۇل قۇجاتقا سايكەس ليفتەردى ورناتۋمەن, جوندەۋمەن جانە قىزمەت كورسەتۋمەن اينالىساتىن كومپانيالاردى مىندەتتى تۇردە اتتەستاتسيادان وتكىزۋ ءۇشىن تەتىكتى جەدەل قۇرۋ جانە بىلىكتىلىك تالاپتارىن دايىنداۋ ارقىلى ساپا من قاۋىپسىزدىكتى قامتاماسىز ەتۋ جوسپارلانىپ وتىر. مۇنىمەن قوسا, وتاندىق ليفت ءوندىرىسىن دامىتۋعا باعىتتالعان مىندەتتەر مەن تاسىلدەر دايىندالدى. ءىس-شاراعا قاتىسۋشىلار ماڭىزدى مىندەتتەردىڭ ءبىرى رەتىندە ليفتتەردى وندىرۋگە ارنالعان جاساقتاۋشىلاردى ەلگە كىرگىزۋ ءۇشىن كەدەندىك باجدى الىپ تاستاۋدى اتاپ ءوتتى. ويتكەنى 2019 جىلدىڭ اقپانىنان باستاپ دايىن ليفتەرگە كەدەندىك باج الىنىپ تاستالعان بولاتىن, وسى تۇستا وتاندىق وندىرىسكە ارنالعان جاساقتاۋشىلارعا قاتىستى كەدەندىك باج 15%-عا دەيىن جەتتى. ليفتتەر وندىرىسىمەن بايلانىستى قىزمەتتى «قاراپايىم زاتتار ەكونوميكاسى» باعدارلاماسىنا قوسۋ ماسەلەسى پىسىقتالماق. سونداي-اق سالاداعى مامانداردى وقىتۋعا ارنالعان ورتالىقتاردى قۇرۋ جوسپارلانۋدا, نارىق قاتىسۋشىلارىن مىندەتتى تۇردە قاۋىمداستىققا مۇشە ەتۋ نەگىزىندە وزىندىك رەتتەۋ تەتىگىن ەندىرۋ ماسەلەسى پىسىقتالىنۋدا.
وسى وڭ وزگەرىستەرگە قاراماستان, وكىنىشكە وراي, نورماتيۆتىك مەرزىمى شىعىپ كەتكەن ليفتەر ماسەلەلەسىنىڭ كەلەشەگى بۇلدىر بولىپ وتىر. ەلىمىزدە ولاردىڭ 5000 بىرلىككە تارتاسى قىزمەت ەتەدى, ولاردىڭ ىشىندە 4000-نان اسا ليفت جىلدام تۇردە جاڭارتۋدى قاجەت ەتەدى, ويتكەنى ادامداردىڭ ءومىرى مەن دەنساۋلىعىنا قاۋىپ ءتوندىرىپ وتىر. ونىڭ ۇستىنە, اتالمىش جاعداي قازىرگى تاڭدا ەلىمىزدە بەلگىلى ءبىر الەۋمەتتىك شيەلەنىستى تۋدىرىپ وتىر. وسىعان وراي تۇكش-ىن جاڭعىرتۋعا ارنالعان مەملەكەتتىك باعدارلاما قازاقستانداعى «كونە» ليفتەردى اۋىستىرۋ بويىنشا تومەن قارقىندى كورسەتىپ وتىر. بۇعان ءبىرىنشى جانە ءتورتىنشى قابات تۇرعىندارىنىڭ ەكونوميكالىق تۇرعىدا قىزىعۋشىلىق تانىتپاي وتىرعاندىعى سەبەپ, ال بۇل قولدانىستاعى زاڭناماعا سايكەس ليفتەردى اۋىستىرۋ بويىنشا جالپى ءۇي دەڭگەيىندە شەشىم قابىلداۋ ءۇشىن قاجەت. وعان قوسا, بولىنگەن بيۋدجەت قارجىسىنىڭ قىسقا مەرزىمگە بەرىلۋى (7 جىلعا دەيىن) پاتەر يەلەرىنىڭ كوتەرەتىن قارجىلاي سالماعىنىڭ ارتۋىنا الىپ كەلمەك. وسىعان وراي قازاقستان ليفت قاۋىمداستىعى قازاقستان ۇكىمەتىنە ەلىمىزدەگى ليفت پاركىن رەنوۆاتسيالاۋعا ارنالعان ارنايى باعدارلامانى دايىنداۋدى ۇسىنىپ وتىر.
ارنايى باعدارلاما پاتەر يەلەرىنىڭ الەۋمەتتىك ەرەكشەلىكتەرىن (مۇگەدەكتەر مەن زەينەتكەرلەر) ەسكەرىپ, قارجىلاندىرۋ جاڭارتپالى نەسيە نەگىزىندە ۇزاعىراق مەرزىمگە قايتارمالىلىق قاعيداسى بويىنشا جۇرگىزىلۋى ءتيىس. باعدارلامانى ءتيىمدى جۇزەگە اسىرۋ ءۇشىن وتاندىق ليفت وندىرىسشىلەرىمەن Off take كەلىسىمشارتتاردى جاساسۋ ارقىلى وسى كومپانيالاردى ىسكە تارتۋ قاجەت. بۇل قاۋىپسىزدىكپەن, قىزمەتپەن جانە قوسالقى بولشەكتەرمەن ۇزدىكسىز قامتاماسىز ەتە وتىرىپ, وتاندىق وندىرىسشىلەردىڭ دامۋىنا جول اشپاق. قازىرگى تاڭدا قازاقستاندا 4 ليفت جاسايتىن زاۋىت بار, ولاردىڭ وندىرىستىك قۋاتتىلىعى جىلىنا 3 500 ءليفتىنى قۇرايدى. الايدا ولاردىڭ جۇمىسپەن قامتىلۋ كورسەتكىشى ءىس جۇزىندە 5 -15%-عا دەيىن جەتىپ وتىر. سالانى دامىتۋدان بولاتىن جان-جاقتى ىقپال وڭ ناتيجەسىن بەرىپ, جاڭا جۇمىس ورىندارىن قۇرىپ, سالىق اينالىمىن كوتەرىپ, ەلىمىزدە قارجىنىڭ جيناقتالۋىنا جاعداي جاساماق.