اعىمداعى جىلدىڭ 4-5 ناۋرىز كۇندەرى الماتىدا وتەتىن جارمەڭكەگە 20-دان استام كومپانيا قاتىسادى. وندا جۇمىس ىزدەۋشىلەر رەسپۋبليكانىڭ باسقا دا قالالارىنان بوس جۇمىس ورىندارىن تابۋ مۇمكىندىگىنە يە بولماق.
«ەڭبەك» جاپپاي كاسىپكەرلىكتى قولداۋ مەملەكەتتىك باعدارلاماسىن جۇزەگە اسىرۋ جانە ونىمدىلىكتى ارتتىرۋدى ماقسات ەتكەن جارمەڭكە بارىسىندا قوستاناي, پاۆلودار, شىعىس قازاقستان, سولتۇستىك قازاقستان وبلىستارىنىڭ جۇمىسپەن قامتۋ ورتالىقتارىنىڭ ماماندارى جۇمىس ىزدەۋشىلەرگە كەڭەستەر بەرىپ, جۇمىسقا ورنالاسۋىنا ىقپال ەتەتىن بولادى.
جۇمىسپەن, سونداي-اق جالعا الاتىن تۇرعىن ۇيمەن قامتاماسىز ەتۋدى ماقسات ەتەتىن جارمەڭكە رەسپبليكا ازاماتتارىنىڭ ەرىكتى تۇردە ايماقارالىق قونىس اۋدارۋ ماسەلەسىنە دە مۇمكىندىك بەرەدى, دەيدى ماماندار.
جارمەڭكە بارىسىندا ەلىمىزدىڭ باسقا دا ايماقتارىنان جۇمىس قاراستىرعان ازاماتتار مەملەكەتتىك باعدارلامالار اياسىندا قارجىلاندىرۋ, ءوز كاسىبىن اشۋ, دامىتۋ ماسەلەلەرىنە وراي ماماندار كەڭەسىنە جۇگىنە الادى.
جارمەڭكە 4-5 ناۋرىز كۇندەرى ساعات 10:00دە الماتى قالاسى, بوستاندىق اۋدانى, ءال-فارابي داڭعىلى, 71/21, ءال-فارابي اتىنداعى قازۇۋ الاڭىندا وتەدى.
الماتى