سوڭعى ۋاقىتتا ايشىقتى ونەرى جانە تولعاي تابىسىمەن جانكۇيەرلەردى قۋانتىپ جۇرگەن قازاقستاندىق تەننيسشى ەلەنا رىباكينا كاتاردىڭ استاناسى – دوحادا ءوتىپ جاتقان ءتۋرنيردى مەرزىمىنەن بۇرىن اياقتاۋعا ءماجبۇر بولدى.
ايتۋلى جارىستىڭ العاشقى اينالىمدا جەرلەسىمىز رۋمىنيالىق سورانا كىرستيانى ءۇش سەتتىك سايىستا ول 3:6, 6:3, 6:1 ەسەبىمەن ۇتتى. كەلەسى كەزەڭدە بەلگيالىق اليسون ۆان ەيتۆانكتان باسىم ءتۇستى – 5:7, 6:2, 7:6. ءۇشىنشى اينالىمدا ەلەنانىڭ جولى الەمنىڭ ءبىرىنشى راكەتكاسى, اۋستراليالىق ەشلي بارتيمەن قيىسۋعا ءتيىس ەدى.
جانكۇيەرلەر بۇل باسەكەنى تاعاتسىزدانا كۇتتى. سەبەبى, ءدال وسى تەننيسشى بيىل وتكەن اۋستراليانىڭ اشىق بىرىنشىلىگىنىڭ ءۇشىنشى اينالىمىندا جەرلەسىمىزدى جارىس جولىنان شىعارىپ تاستاعان بولاتىن. مەلبۋرندە كەتكەن ەسەنى رىباكينا دوحادا قايتاراتىن شىعار دەپ ۇمىتتەندى. بىراق قازاقستاندىق ويىنشى جاراقاتىنا بايلانىستى ءتۋرنيردى ارى قاراي جالعاستىرۋدان باس تارتتى.