كۇردەلى ىستەردى شەشۋ, وقيعالار بارىسىن قالپىنا كەلتىرۋ جانە شىندىقتى اشۋ - بۇل جۇمىس ادال جانە ءادىل ادامداردىڭ ءىسى. بۇگىنگى كۇنى وسى ماماندىقتىڭ يەسى باسقا قىزمەتكەرلەردىڭ ءىس-ارەكەتتەرىن ۇيلەستىرەتىن جانە باعىتتايتىن جەدەل-تەرگەۋ توبىنىڭ ماڭىزدىسى بولىپ تابىلادى. ول قىلمىسكەردىڭ كىناسىن نەمەسە كۇدىكتىنىڭ كىناسىزدىگىن دالەلدەيدى. بۇل تۋرالى ماڭعىستاۋ وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
2019 جىلدىڭ قورىتىندىسى بويىنشا ماڭعىستاۋ وبلىسىنىڭ پوليتسيا دەپارتامەنتىندە جەكە تۇلعاعا قارسى قىلمىستاردى تەرگەۋ ءبولىمىنىڭ اسا ماڭىزدى ىستەر جونىندەگى اعا تەرگەۋشىسى پوليتسيا مايورى الەكسەي كليمەنكو جانە پد تەرگەۋ باسقارماسىنىڭ اعا انىقتاۋشىسى پوليتسيا كاپيتانى يمامماعزۇم شاعىرباەۆ تەرگەۋ جانە انىقتاۋ سالاسىندا ۇزدىك دەپ تانىلدى. ولار ءوز سالاسىندا جوعارى كورسەتكىشتەرگە قول جەتكىزدى. الەكسەي كليمەنكو 2007 جىلى قر ءىىم الماتى اكادەمياسىن بىتىرگەننەن كەيىن اقتاۋ قالالىق ءىىب-دا م ۇلىكتىك قىلمىستاردى تەرگەۋ ءبولىمىنىڭ تەرگەۋشىسى قىزمەتىن باستادى.
يمامماعزۇم شاعىرباەۆ 2009 جىلى ب. بەيسەنوۆ ات. قر ءىىم قاراعاندى اكادەمياسىنا وقۋعا ءتۇستى. وقۋ ورنىن اياقتاعان سوڭ اقتاۋ قالالىق ءىىب اكىمشىلىك پوليتسيا بولىمىندە ۋچاسكەلىك پوليتسيا ينسپەكتورىنىڭ كومەكشىسى بولىپ جۇمىس ىستەي باستادى.
2019 جىلدىڭ قورىتىندىسى بويىنشا جوعارى كورسەتكىشتەرگە قول جەتكىزگەنى ءۇشىن ماڭعىستاۋ وبلىسى پد گراموتاسىمەن ماراپاتتالدى, سونداي-اق ولارعا قر ءىىم العىس جاريالاندى.
ماڭعىستاۋ وبلىسى