كەزدەسۋدە تاراپتار ەۋرازيالىق ەكونوميكالىق وداق اياسىندا مەملەكەتتەردىڭ ىنتىماقتاستىعىن ودان ءارى دامىتۋ ماسەلەلەرىن تالقىلادى. بۇل تۋرالى ەلباسىنىڭ ءباسپاسوز قىزمەتى حابارلادى.
ەۋرازيالىق ەكونوميكالىق وداقتىڭ قۇرمەتتى توراعاسى ن.نازارباەۆ قازاقستان ەكونوميكالىق ينتەگراتسيا يدەياسىن ءاردايىم قولداعانىن اتاپ ءوتتى.
– سوڭعى ۋاقىتتا وداققا مۇشە مەملەكەتتەر اۋقىمدى جۇمىستار اتقاردى. كوپتەگەن كەلىسىمدەرگە قول قويىلدى. بارلىق سالادا بىرلەسكەن شەشىمدەر قابىلداندى, - دەدى ەلباسى.
قازاقستاننىڭ تۇڭعىش پرەزيدەنتى م.مياسنيكوۆيچكە ەكونوميكالىق وداقتى نىعايتۋ ماسەلەلەرىن شەشۋدە جان-جاقتى قولداۋ كورسەتەتىنىن ايتتى.
– وسى جىلدارى ەاەو ءساتتى دامىپ كەلەدى. وعان بىرقاتار ەلدەر قىزىعۋشىلىق تانىتىپ وتىر. كەي مەملەكەتتەر باقىلاۋشى بولعىسى كەلەدى, كەيبىرى وداققا مۇشە بولۋعا نيەتتى. ەۋروپالىق وداقپەن ينتەگراتسيانى دامىتۋ باعىتىندا دا ءبىراز جۇمىس كۇتىپ تۇر, - دەدى نۇرسۇلتان نازارباەۆ.
ءوز كەزەگىندە م.مياسنيكوۆيچ قازاقستان باسشىلىعىمەن بولعان كەلىسسوزدەر تۋرالى جانە ەۋرازيالىق ەكونوميكالىق كوميسسيانىڭ الداعى جۇمىس جوسپارلارى تۋرالى ايتتى.