وتكەن جىلدىڭ 11 جەلتوقسانىندا الماتى قالاسىنىڭ الاتاۋ اۋدانىنا قاراستى «زەردەلى» شاعىن اۋدانىنىڭ تۇرعىندارى ۇيلەرىنىڭ قيسايعانىن ايتىپ دابىل قاققان ەدى. قالا اكىمى باقىتجان ساعىنتاەۆ اتالعان ءۇيدىڭ تۇرعىندارىمەن كەزدەسىپ, اكىمدىك ولاردى كوشىرۋگە دايىن ەكەنىن جەتكىزگەن بولاتىن.
تاياۋدا «زەردەلى-6» شاعىن اۋدانىنداعى №179 ءۇيدىڭ زەرتتەۋ ناتيجەلەرىن قازقسعزي جاريا ەتتى. قيسايعان كوپقاباتتى ۇيدە جۇرگىزىلىپ جاتقان جۇمىستار تۋرالى الاتاۋ اۋدانىنىڭ اكىمى ازامات قالدىبەكوۆ ايتىپ بەردى.
«جۇرگىزىلگەن ساراپتاما ناتيجەسى بويىنشا, ءۇيدى قايتا قالپىنا كەلتىرۋگە بولادى. قازىر جۇمىس ءجۇرىپ جاتىر, تاعى 3-4 ايعا سوزىلۋى مۇمكىن. ول جاعىن ناقتى ايتا المايمىن. سول ءۇيدىڭ تۇرعىندارى باسقا جاقتا پاتەر جالداپ تۇرىپ جاتىر. ونىڭ اقشاسىن اكىمدىك تولەيدى. ءۇيدىڭ ىرگەتاسى بەتونمەن تولتىرىلادى. قۇرىلىس-مونتاج جۇمىستارى ءجۇرىپ جاتىر. ءبىز تۇرعىندارمەن ۇنەمى كەزدەسىپ, ءتۇسىندىرىپ وتىرامىز», - دەيدى ازامات قالدىبەكوۆ.
اتالعان جاعدايعا بايلانىستى 18 قاڭتار كۇنى پروكۋراتۋرا وكىلدەرى قىلمىستىق ءىس قوزعالعانى تۋرالى مالىمدەمە جاساعان بولاتىن.