2020 جىلدىڭ 27 اقپانىنان ناۋرىزدىڭ 6-نا دەيىن وتكەن جىلدىڭ قازان ايىندا باستالعان مەملەكەتتىك قارجىلىق قولداۋعا ۇمىتكەر فيلمدەردى ىرىكتەۋ اياسىندا كينوجوبالاردىڭ بايقاۋى وتكىزىلەدى. بۇل تۋرالى مادەنيەت جانە سپورت مينيسترلىگىنىڭ ءباسپاسوز قىزمەتى حابارلادى.
دوستىق ۇيىندە (الماتى قالاسى, قۇرمانعازى كوش., 40) اۆتورلار كينو تۋىندىلارىن قورعايدى.
ءىس-شارانى وتكىزۋ ۋاقىتى: ساعات 10:00-دەن 18:00-گە دەيىن.
سونىمەن قاتار پيتچينگ ۇكقمو-نىڭ YouTube-تاعى رەسمي ارناسىندا ونلاين رەجيمىندە كورسەتىلەتىن بولادى.
ەستەرىڭىزگە سالا كەتەيىك, حالىقارالىق فەستيۆالدەرگە قاتىسۋعا ايقىن الەۋەتى بار اۆتورلىق قويىلىمدار دا, كوپشىلىك كورەرمەنگە ارنالعان كوممەرتسيالىق كوركەم جانە انيماتسيالىق فيلمدەر دە, سونىمەن قاتار دەرەكتى جانە قىسقا مەتراجدى جوبالار مەن حالىقارالىق قوسالقى ونىمدەر دە «ۇلتتىق فيلم» اتاعىن يەلەنۋگە ۇمىتكەر بولا الادى.
شەشىمدەر:
جوبانى ازىرلەۋ ستسەناري ءتىلى پروكاتقا شىعارۋ الەۋەتى فەستيۆالعا قاتىستىرۋ الەۋەتى تاقىرىبىنىڭ وزەكتىلىگى رەجيسسەردىڭ تاجىريبەسى (دەبيۋتانتتار ءۇشىن: قىسقا مەتراجدى تۋىندىلارىنىڭ بولۋى) پروديۋسەردىڭ تاجىريبەسى تۇسىرۋشىلەر توبى جوبانىڭ ماتەريالدىق-تەحنيكالىق قامسىزداندىرىلۋى (انيماتسيا ءۇشىن).