«ايماقتاعى بارلىق بەس ەلمەن ىنتىماقتاستىق «امەريكانىڭ قۇندىلىقتارىن ىلگەرىلەتۋگە كومەكتەسەدى». بۇل تۋرالى اقش مەملەكەتتىك دەپارتامەنتى 7 اقپان, بەيسەنبى كۇنى جاريالاعان ايماقتىق ستراتەگيادا ايتىلعان.
اقش مەملەكەتتىك دەپارتامەنتىنىڭ رەسمي سايتىندا جاريالانعان قۇجاتتا ورتالىق ازيا ءاردايىم ەۋروپا مەن ازيا اراسىنداعى وركەنيەتتەردىڭ ستراتەگيالىق جانە كوممەرتسيالىق ءتۇيىنى بولعاندىعى ايتىلعان.
امەريكا قۇراما شتاتتارىنىڭ وسى ايماقتاعى باستى ستراتەگيالىق مۇددەسى ساياسي جانە ەكونوميكالىق مۇددەلەردى, سونداي-اق ءوز مۇددەلەرى بويىنشا ءار ءتۇرلى سەرىكتەستەرمەن قاۋىپسىزدىك مۇددەلەرىن ەركىن ورىنداي الاتىن نەعۇرلىم تۇراقتى جانە وركەندەگەن ورتالىق ازيانى قۇرۋعا باعىتتالعان.
«نازارلارىڭىزعا ۇسىنىپ وتىرعان قۇجات الەمدىك نارىققا, حالىقارالىق ينۆەستيتسيالارعا اشىق جانە كۇشتى دەموكراتيالىق ينستيتۋتتارعا, زاڭدىلىق پەن ادام قۇقىقتارىن قۇرمەتتەۋگە بايلانىستى. تۇراقتى جانە قاۋىپسىز ورتالىق ازيا امەريكا قۇراما شتاتتارىنا تىكەلەي ىقپال ەتەدى», - دەدى اقش مەملەكەتتىك دەپارتامەنتى.
«امەريكا قۇراما شتاتتارىنىڭ ورتالىق ازياعا ءساتتى قاتىسۋى سونىمەن بىرگە ءوزىمىزدىڭ ۇلتتىق قاۋىپسىزدىك مۇددەلەرىمىزدى العا جىلجىتادى جانە ءبىزدىڭ وتانىمىزدى, ازاماتتارىمىز بەن مۇددەلەرىمىزدى شەتەلدە قورعاۋعا كومەكتەسەدى. ورتالىق ازياداعى بەس ەلمەن تىعىز قارىم-قاتىناس جانە ىنتىماقتاستىق اقش قۇندىلىقتارىن ىلگەرىلەتۋگە جانە ايماقتاعى كورشىلەردىڭ اسەرىن تەڭگەرۋگە كومەكتەسەدى. امەريكا قۇراما شتاتتارىندا بيزنەس مۇمكىندىكتەرىن كەڭەيتۋ ايماقتىڭ ەكونوميكالىق وركەندەۋىنە ىقپال ەتەدى, سونىمەن قاتار قۇراما شتاتتارداعى جۇمىسپەن قامتۋدى جانە ونەركاسىپتى قولدايدى» دەلىنگەن جاڭا ستراتەگيادا.
اقش «ورتالىق ازيامەن تىعىز قارىم-قاتىناس جانە ىنتىماقتاستىق اقش قۇندىلىقتارىن ىلگەرىلەتۋگە جانە ايماقتاعى كورشىلەردىڭ اسەرىن تەڭگەرۋگە كومەكتەسەدى» دەپ ۇمىتتەنەدى.
«امەريكا قۇراما شتاتتارىندا بيزنەس مۇمكىندىكتەرىن كەڭەيتۋ ايماقتىڭ ەكونوميكالىق وركەندەۋىنە ىقپال ەتەدى, سونىمەن قاتار قۇراما شتاتتارداعى جۇمىسپەن قامتۋدى جانە ونەركاسىپتى قولدايدى», - دەلىنگەن جاڭا ستراتەگيادا.
امەريكا بيلىگى بەيبىتشىلىك پەن قاۋىپسىزدىكتى, دەموكراتيالىق رەفورمالار مەن ەكونوميكالىق ءوسۋدى, سونداي-اق گۋمانيتارلىق قاجەتتىلىكتەردى قاناعاتتاندىرۋ ءۇشىن 9 ميلليارد دوللاردان استام تىكەلەي كومەك كورسەتتى.
سونداي-اق ايماقتىڭ دامۋىنا نەسيەلەر جانە تەحنيكالىق كومەك تۇرىندە شامامەن 50 ميلليارد دوللار ءبولىندى.