«قازاق قوعامىنا قانداي مەديا قاجەت؟» تاقىرىبى ەلوردادا ءوتىپ جاتقان Qazforum 2020 قازاقتىلدى مەديا وكىلدەرىنە ارنالعان فورۋمنىڭ پلەنارلىق وتىرىسىندا كوتەرىلدى.
بەلگىلى ساياساتتانۋشىلار ايدوس سارىم جانە سامات نۇرتازا, Tarlan.kz ۆەب-سايتىنىڭ باس رەداكتورى نۇرعالي نۇرتاي, Nege.kz ۆەب-سايتىنىڭ باس رەداكتورى ەرىك راحىم, «ايقىن» گازەتىنىڭ باس رەداكتورى نۇرمۇحامەد بايعارا ەلىمىزدەگى قازاقتىلدى بۇقارالىق اقپارات قۇرالدارىنا نارىقتاندىرۋ ۇدەرىستەرى مەن سوڭعى ساياسي وزگەرىستەردىڭ اسەرىن تالقىلادى.
قاتىسۋشىلار ينتەرنەت پەن جاھاندىق تسيفرلاندىرۋ عاسىرىندا جاڭا مەديا مەن ءداستۇرلى باق-تىڭ سۇرانىسى تۋرالى سۇراقتارعا جاۋاپ بەرۋگە تىرىستى.
«ايقىن» گازەتىنىڭ باس رەداكتورى نۇرمۇحامەد بايعارانىڭ ايتۋىنشا, بۇگىنگى قازاقتىلدى باسپاسوزدە كوتەرىلىپ جاتقان تاقىرىپتار اياسى كەڭ. جۋرناليستەر تسيفرلاندىرۋ, IT, digital سالاسىن تەرەڭ زەرتتەپ, وقىرمانعا ساپالى ساراپتامالىق ماقالالار ۇسىنىپ ءجۇر.
سونداي-اق ن. بايعارا ءباسپاسوزدىڭ ەلەكتروندى باق-پەن باسەكەگە ءتۇسۋى ءۇشىن ءداستۇرلى جولدارمەن قاتار, سوڭعى تەحنولوگيالاردى مەڭگەرىپ, اۋديتوريا سۇرانىسىنا ساي فورماتتا اقپارات تاراتۋدى ۇيرەنگەنى ابزال ەكەنىن ايتتى.