ميلليوننان استام ادام ۇلتتىق باسكەتبول قاۋىمداستىعىنىڭ (NBA) جاڭا رەسمي لوگوتيپىنە كوبي برايانتتىڭ بەينەسىن قولدانۋ تۋرالى پەتيتسيا جاريالادى.
باسكەتبول تاريحىنداعى اتاقتى ويىنشىلاردىڭ بىرى كوبي برايانت جەكسەنبى كۇنى كاليفورنيادا تىكۇشاق اپاتىندا قازا تاپتى.
اپاتتا باسكەتبولشىمەن 13 جاسار قىزى دجياننا مەن وزگە دە جولاۋشىلار بولعان.
قاۋىمداستىقتىڭ قازىرگى لوگوتيپىنىڭ اۆتورى - الان سيگەل. 1971 جىلى ازىرلەنگەن رەسمي لوگوتيپتە 82 جاستاعى لەيكەرس ويىنشىسى دجەرري ۋەست بەينەلەگەن.
پەتيتسياعا قولداۋ بىلدىرۋشىلەر كوبي برايانت بەينەلەنگەن لوگوتيپپەن الەۋمەتتىك جەلىدەگى پاراقشالارىندا بولىسۋدە.
ۇلتتىق باسكەتبول قاۋىمداستىعىنىڭ (NBA) بۇل ۇسىنىسقا قالاي قارايتىنى تۋرالى مالىمدەمە ءالى جاسالعان جوق.