سەناتورلار ر.اكىموۆ, س.ەڭسەگەنوۆ جانە ە.مۇقاەۆ 27-31 قاڭتار ارالىعىندا ستراسبۋرگتە ءوتىپ جاتقان ەۋروپا كەڭەسى پارلامەنتتىك اسسامبلەياسىنىڭ قىسقى سەسسياسىنا قاتىسۋدا. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى.
ەۋروپا كەڭەسىنىڭ پارلامەنتشىلەرى سەسسيا بارىسىندا دەموكراتيالىق ينستيتۋتتاردىڭ جۇمىس بارىسىن, سايلاۋ جۇيەسىنىڭ ستاندارتتارىن, بۇقارالىق اقپارات قۇرالدارىنىڭ ەركىندىگى, جۋرناليستەردىڭ قاۋىپسىزدىگى, ءدىني سەنىم بوستاندىعىن قورعاۋ ماسەلەلەرىن تالقىلاۋدى جوسپارلاپ وتىر.
گرۋزيا مەن مولدوۆا پرەزيدەنتتەرى س.زۋرابيشۆيلي مەن ي.دودون, ەۋروپا كەڭەسىنىڭ باس حاتشىسى م.پەيچينوۆيچ-بۋريچ, ەۋروپا كەڭەسى مينيسترلەر كوميتەتىنىڭ توراعاسى - گرۋزيانىڭ سىرتقى ىستەر ءمينيسترى د.زالكالياني اسسامبلەيا دەپۋتاتتارىنىڭ الدىندا ءسوز سويلەيدى.
ەۋروپا كەڭەسىنىڭ دەپۋتاتتارى سەسسيانىڭ العاشقى كۇنى پارلامەنتتىك اسسامبلەياسىنىڭ توراعاسىن سايلادى. بەلگيا دەپۋتاتى حەندريك داەمس توراعا بولدى.