ءۇشىنشى مەگاپوليستەگى مامانداندىرىلعان حالىققا قىزمەت كورسەتۋ ورتالىقتارىندا 2019 جىلى 326 641 مەملەكەتتىك قىزمەت كورسەتىلدى. ونىڭ ىشىندە 47 391 ازاماتقا جۇرگىزۋشى كۋالىگىن بەرىلگەن. بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ وكىلدەرى مالىمدەدى.
–مامانداندىرىلعان حالىققا قىزمەت كورسەتۋ ورتالىقتارىندا جۇرگىزۋشى كۋالىگىن بەرۋ بارىسىندا ادامي فاكتور تولىعىمەن الىنىپ تاستالدى, - دەيدى كورپوراتسيانىڭ شىمكەنت قالالىق فيليالىنىڭ ديرەكتورى دانابەك يسابەكوۆ. – ياعني, جۇرگىزۋشى كۋالىگىن العىسى كەلگەن ازامات كومپيۋتەردە تەست تاپسىرىپ, تەوريالىق سىناقتان ءتيىستى بالل جيناسا, جۇيە اۆتودرومداعى پراكتيكالىق ەمتيحاننان وتۋگە مۇمكىندىك بەرەدى. ەمتيحاننان ءساتتى وتكەن سوڭ, تەست پەن ەمتيحاننىڭ ناتيجەلەرى بويىنشا بارلىق اقپارات جۇرگىزۋشى كۋالىگىن دايىنداۋعا جىبەرىلەدى.
ايتا كەتەيىك, شىمكەنتتە 11 حالىققا قىزمەت كورسەتۋ ورتالىعى جۇمىس ىستەيدى, ونىڭ ىشىندە مامانداندىرىلعان 3 حقكو جانە كوشى-قون قىزمەتىن كورسەتۋ ورتالىعى بار.
قازىرگى ۋاقىتتا دوستىق شاعىناۋدانى جانە ق.تولەمەتوۆ كوشەسىندەگى مامانداندىرىلعان حقو-دا ازاماتتار ءوز اۆتوكولىكتەرىن قايتا تىركەپ, جۇرگىزۋشى كۋالىگىن الا الادى. بۇعان قوسا پراكتيكالىق ەمتيحان تاپسىرۋعا بولادى. سونداي-اق, مامانداندىرىلعان حقو عيماراتىندا جۇرگىزۋشى كۋالىگىن الۋ ءۇشىن مەديتسينالىق تەكسەرۋدەن وتۋگە بولادى. كۇن سايىن بۇل ورتالىقتاردا 200-گە جۋىق جۇرگىزۋشى كۋالىگى بەرىلىپ, ورتاشا ەسەپپەن 1000-نان استام كولىك قۇرالى ەسەپكە الىنادى.
وتانداستارىمىز مۇنداي مەملەكەتتىك قىزمەتتەردى ەشقايدا بارماي-اق, ونلاين الا الادى. –مىسالى, بىرقاتار مەملەكەتتىك قىزمەت تۇرلەرى «ەلەكتروندى ۇكىمەت» پورتالىندا قاراستىرىلعان. Egov.kz پورتالىندا تىركەلگەن قولدانۋشىلار جۇرگىزۋشى كۋالىگىن ونلاين اۋىستىرىپ, اۆتوكولىگىن قايتا تىركەي الادى, دەيدى فيليال ديرەكتورى دانابەك يسابەك.
ءدال وسى تارتىپپەن جىل باسىنان بەرى 4 مىڭنان استام اۆتوكولىك ونلاين تىركەلىپ, 7 761 ازاماتقا جۇرگىزۋشى كۋالىگى بەرىلدى.