ينگۋشەتيا باسشىسى ماحمۋد-الي كاليماتوۆ دۇيسەنبىدە سوڭعى بەس ايدا ەكىنشى رەت وڭىرلىك ۇكىمەتتى وتستاۆكاعا جىبەردى. بۇل تۋرالى ريا نوۆوستي حابارلادى.
«مەنىڭ شەشىمىممەن ينگۋشەتيا رەسپۋبليكاسىنىڭ ۇكىمەتى وتستاۆكاعا كەتتى» دەپ جازدى ماحمۋد-الي كاليماتوۆ Instagram جەلىسىندەگى اككاۋنتىندا.
2019 جىلى قىركۇيەكتە كاليماتوۆ ينگۋشەتيا باسشىسى بولىپ سايلانعاننان كەيىن ۇكىمەتتى تاراتۋ تۋرالى جارلىققا قول قويدى. 12 قازاندا پارلامەنت رەسپۋبليكانىڭ پرەمەر-ءمينيسترى قىزمەتىنە كونستانتين سۋريكوۆتى تاعايىنداۋدى ماقۇلدادى. وسىدان كەيىن ءوڭىر باسشىسى ۇكىمەتتە ءبىرشاما اۋىس-ءتۇيىس جاسادى, الايدا مينيسترلەر كابينەتىن جاساقتاۋ شاراسى تولىققاندى اياقتالماعان ەدى.