«كاتيۋشادان» شىعارىلعان سناريادتاردىڭ ءبىرى امەريكالىق ەلشىلىك كەشەنىنىڭ مەيرامحاناسىنا ءتۇستى. باعدادتاعى جاسىل ايماقتا بەس زىمىران سوققىسىنىڭ ۇشەۋى اقش ەلشىلىگىنە كەلدى دەپ حابارلادى Alsumaria News.
باسىلىمنىڭ مالىمەتتەرى بويىنشا, «كاتيۋشادان» شىعارىلعان بەس زىمىران ۇكىمەتتىك عيماراتتار مەن شەتەلدىك ەلشىلىكتەر ورنالاسقان يراك استاناسىنىڭ جاسىل ايماعىندا قۇلاپ كەتتى. امەريكالىق ەلشىلىك قىزمەتكەرلەرىن تىكۇشاقپەن ەۆاكۋاتسيالايدى.
اتىس سالدارىنان زارداپ شەككەندەر بار, ولاردىڭ ۇلتى ازىرگە انىقتالماعان.
CNN حابارلاعانداي, زىمىرانداردىڭ ءبىرى اقش ەلشىلىگىنىڭ اۋماعىندا ورنالاسقان مەيرامحاناعا تۇسكەن.
اقش-تىڭ مەملەكەتتىك دەپارتامەنتى زىمىراندىق اتىس تۋرالى اقپاراتتى راستادى.
«قاۋىپسىزدىك سالاسىنداعى جاعداي شيەلەنىسكەن, ال يران قولداعان قارۋلى توپتار قاۋىپ توندىرۋدە. سوندىقتان ءبىز قىراعىلىقتى ساقتايمىز» دەدى مەمدەپ وكىلى جانە يراك ۇكىمەتىن ديپلوماتيالىق نىسانداردى قورعاۋ بويىنشا ءوز مىندەتتەمەلەرىن ورىنداۋعا شاقىردى.
مەمدەپارتامەنتتىڭ مالىمەتتەرى بويىنشا, قىركۇيەك ايىنان باستاپ يراكتا ورنالاسقان امەريكاندىق پەرسونالعا قارسى تەگەران قولدايتىن يران ۇكىمەتى نەمەسە ميليتسيا تاراپىنان 14-تەن استام شابۋىل جاسالدى.